കേരളം വിധിനിർണ്ണയത്തിലേക്ക്സ്ട്രോങ്ങ് റൂമുകൾ തുറന്നു, ആദ്യ ഫലസൂചനകൾ ഉടൻ
കേരള നിയമസഭാ തിരഞ്ഞെടുപ്പിന്റെ വോട്ടെണ്ണൽ ആരംഭിച്ചു. കനത്ത സുരക്ഷയിൽ സ്ട്രോങ്ങ് റൂമുകൾ തുറന്നു. തപാൽ വോട്ടുകളാണ് ആദ്യം എണ്ണുന്നത്. ഉച്ചയോടെ പൂർണ്ണരൂപം അറിയാം.
അനില എം കൃഷ്ണൻ 
കേരളം വിധിനിർണ്ണയത്തിലേക്ക്: വോട്ടെണ്ണൽഎട്ട് മണിയോടെ ആരംഭിക്കും; സ്ട്രോങ്ങ് റൂമുകൾ തുറന്നു, ആദ്യ ഫലസൂചനകൾ ഉടൻ
തിരുവനന്തപുരം: മാസങ്ങൾ നീണ്ട ആകാംക്ഷകൾക്ക് വിരാമമിട്ട് കേരള നിയമസഭാ തിരഞ്ഞെടുപ്പിന്റെ വോട്ടെണ്ണൽകൃത്യം എട്ട് മണിയോടെ ആരംഭിക്കും . സംസ്ഥാനത്തെ 140 മണ്ഡലങ്ങളിലും വോട്ടെണ്ണൽ നടപടികൾ പുരോഗമിക്കുന്നു. അതിരാവിലെ തന്നെ കനത്ത സുരക്ഷാ ക്രമീകരണങ്ങളോടെ വോട്ടെണ്ണൽ കേന്ദ്രങ്ങളിലെ സ്ട്രോങ്ങ് റൂമുകൾ തുറന്നു.
വോട്ടെണ്ണൽ നടപടികൾ ഇങ്ങനെ
കൃത്യം എട്ട് മണിയോടെ തപാൽ വോട്ടുകളാണ് ആദ്യം എണ്ണിത്തുടങ്ങിയത്. സ്ട്രോങ്ങ് റൂമുകളിൽ നിന്ന് വോട്ടിംഗ് യന്ത്രങ്ങൾ പുറത്തെടുത്ത് വോട്ടെണ്ണൽ ടേബിളുകളിലേക്ക് മാറ്റിത്തുടങ്ങിയിട്ടുണ്ട്. എട്ടരയോടെ വോട്ടിംഗ് യന്ത്രങ്ങളിലെ (EVM) വോട്ടുകൾ എണ്ണിത്തുടങ്ങുന്നതോടെ യഥാർത്ഥ ചിത്രം തെളിയും.
വോട്ടെണ്ണൽ ക്രമീകരണങ്ങൾ ഒറ്റനോട്ടത്തിൽ:
കേന്ദ്രങ്ങൾ: സംസ്ഥാനത്തെ 43 സ്ഥലങ്ങളിലായി സജ്ജീകരിച്ചിട്ടുള്ള 140 കേന്ദ്രങ്ങളിലാണ് വോട്ടെണ്ണൽ നടക്കുന്നത്.
സമയക്രമം: ഒരു റൗണ്ടിൽ 12 മുതൽ 14 വരെ ബൂത്തുകളിലെ വോട്ടുകളാണ് എണ്ണുക. ഒരു മണ്ഡലത്തിലെ വോട്ടെണ്ണൽ പൂർത്തിയാക്കാൻ പരമാവധി 20 റൗണ്ടുകൾ മതിയാകും.
സുരക്ഷ: കേന്ദ്ര സേനയുടെയും കേരള പോലീസിന്റെയും കനത്ത കാവലിലാണ് വോട്ടെണ്ണൽ കേന്ദ്രങ്ങളും സ്ട്രോങ്ങ് റൂമുകളും.
ഉച്ചയോടെ തന്നെ സംസ്ഥാനത്ത് ഭരണത്തുടർച്ചയുണ്ടാകുമോ അതോ മാറ്റം സംഭവിക്കുമോ എന്ന കാര്യത്തിൽ വ്യക്തമായ സൂചന ലഭിക്കും.
