നെല്ല് സംഭരണത്തിനുള്ള തുക വിതരണം ജൂലൈ 31 മുതൽ പുനരാരംഭിക്കും
സംസ്ഥാന സർക്കാർ പ്രോത്സാഹന ബോണസ് വിഹിതമായി 104.79 കോടി രൂപ അനുവദിച്ചതിനെ തുടർന്ന് കർഷകർക്കുള്ള നെല്ല് സംഭരണ വില വിതരണം ജൂലൈ 31 മുതൽ പുനരാരംഭിക്കുന്നു
അനില എം കൃഷ്ണൻ 
കർഷകർക്ക് ആശ്വാസം: നെല്ല് സംഭരണത്തിനുള്ള തുക വിതരണം ജൂലൈ 31 മുതൽ പുനരാരംഭിക്കുന്നു
തിരുവനന്തപുരം: കർഷകർക്ക് ഏറെ ആശ്വാസകരമായ വാർത്ത. നെല്ല് സംഭരണത്തിനുള്ള തുക വിതരണം ജൂലൈ 31 മുതൽ സംസ്ഥാനത്ത് പുനരാരംഭിക്കും. സംസ്ഥാന സർക്കാർ പ്രോത്സാഹന ബോണസ് വിഹിതമായി 104.79 കോടി രൂപ അനുവദിച്ചതിനെ തുടർന്നാണ് തുക വിതരണം സുഗമമാകുന്നത്.
പി.ആർ.എസ്. (PRS) വായ്പാ പദ്ധതിപ്രകാരം സ്റ്റേറ്റ് ബാങ്ക് ഓഫ് ഇന്ത്യ (SBI), കനറാ ബാങ്ക് എന്നിവ മുഖേനയാണ് അർഹരായ കർഷകരുടെ അക്കൗണ്ടിലേക്ക് തുകയെത്തുക. സർക്കാർ കൈമാറിയ തുക ഉപയോഗിച്ച് സപ്ലൈകോ, ബാങ്കുകൾക്ക് നിലവിലുണ്ടായിരുന്ന കുടിശ്ശിക പൂർണ്ണമായി തിരിച്ചടച്ചു. ഇതോടെയാണ് കർഷകർക്കുള്ള നെല്ലുവില വിതരണം തടസ്സമില്ലാതെ മുന്നോട്ട് കൊണ്ടുപോകാനുള്ള വഴിയൊരുങ്ങിയത്
