യുവതലമുറയെ കൃഷിയിലേക്ക് ആകർഷിക്കാൻ പുതിയ പദ്ധതികൾ ചീഫ് വിപ്പ് അപു ജോൺ ജോസഫ്
ഇടുക്കി തൊടുപുഴയിൽ കേര പദ്ധതിയുടെ ഭാഗമായി നടന്ന റബ്ബർ പുനർനടീൽ പരിശീലനം സർക്കാർ ചീഫ് വിപ്പ് അപു ജോൺ ജോസഫ് ഉദ്ഘാടനം ചെയ്തു. ഇരുന്നൂറോളം കർഷകർ പങ്കെടുത്തു.
യുവതലമുറയെ കാർഷിക മേഖലയിലേക്ക് ആകർഷിക്കും; റബ്ബർ കർഷകർക്കായി പുനർനടീൽ പരിശീലനം സംഘടിപ്പിച്ചു
തൊടുപുഴ: യുവതലമുറയെ കാർഷിക മേഖലയിലേക്ക് ആകർഷിക്കുന്നതിനായി സർക്കാർ വിവിധ പദ്ധതികൾ ആവിഷ്കരിക്കുമെന്ന് സർക്കാർ ചീഫ് വിപ്പ് അപു ജോൺ ജോസഫ്. കാലാവസ്ഥയ്ക്കും പ്രദേശത്തിനും അനുയോജ്യമായ കൃഷിരീതികൾ പ്രോത്സാഹിപ്പിക്കുമെന്നും അദ്ദേഹം പറഞ്ഞു. ലോകബാങ്ക് സഹകരണത്തോടെ കൃഷിവകുപ്പ് നടപ്പിലാക്കുന്ന കേര പദ്ധതിയുടെ ഭാഗമായി സംഘടിപ്പിച്ച റബ്ബർ പുനർനടീൽ കർഷകർക്കുള്ള പരിശീലന പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
റബ്ബർ മേഖലയിലെ പ്രതിസന്ധികൾ അതിജീവിക്കുന്നതിനുള്ള പ്രവർത്തനങ്ങൾക്ക് സർക്കാർ മുൻഗണന നൽകുമെന്നും, യുവതലമുറയെ കൃഷിയിലേക്ക് കടന്നുവരാൻ പ്രാപ്തരാക്കുന്ന ജില്ലയിലെ പ്രധാന ചുവടുവെപ്പാണ് ഈ പദ്ധതിയെന്നും ചീഫ് വിപ്പ് ചൂണ്ടിക്കാട്ടി.
തൊടുപുഴ കെ.എ.ഡി.എസ് ഓഡിറ്റോറിയത്തിൽ നടന്ന ചടങ്ങിൽ നഗരസഭാ വൈസ് ചെയർപേഴ്സൺ കെ. ദീപക് അധ്യക്ഷത വഹിച്ചു. കേര റീജണൽ പ്രോജക്ട് മാനേജ്മെന്റ് യൂണിറ്റ് ഡയറക്ടർ സാഹിൽ മുഹമ്മദ്, റബ്ബർ ബോർഡ് മുൻ ഡി.ഒ വി.ജി. സന്തോഷ്, അജാസ് കെ. ബാവ, മേരിക്കുട്ടി ബേബി, രഞ്ജിനി രാമകൃഷ്ണൻ തുടങ്ങിയവർ പങ്കെടുത്തു. ജില്ലയുടെ വിവിധ ഭാഗങ്ങളിൽ നിന്നായി ഇരുനൂറോളം കർഷകരാണ് പരിശീലനത്തിൽ പങ്കെടുത്തത്.
വീട് പണയത്തിന് നൽകാമെന്ന് പറഞ്ഞ് പത്ത് ലക്ഷം രൂപ തട്ടിയെടുത്ത കേസിൽ ഒരാൾ കൂടി അറസ്റ്റിൽ
പ്രിയദർശിനി ബസിൽ ഓസിന് യാത്ര ചെയ്യുന്നു എന്ന് അധിക്ഷേപം വിദ്യാർഥിനിയെ വഴിയിൽ ഇറക്കിവിട്ടു
വയനാട് ടൗൺഷിപ്പ് പദ്ധതി രണ്ടാം ഘട്ടത്തിലെ 149 ഗുണഭോക്താക്കൾക്കായി ഓറിയന്റേഷൻ പരിപാടി സംഘടിപ്പിച്ചു
2. 20 ലക്ഷം രൂപ ചെലവിൽ നവീകരിച്ച തിരുവാങ്കുളം വയലിൽ റോഡ് മന്ത്രി അനൂപ് ജേക്കബ് ഉദ്ഘാടനം ചെയ്തു
കണിയാമ്പറ്റയ്ക്ക് പൊൻകിരീടം, വയനാടിന് ആധിപത്യം കളിക്കളം 2026 ന് ആവേശക്കൊടിയിറക്കം
പതിനൊന്നാം വയസ്സിൽ ഇരട്ട സ്വർണവേഗം കളിക്കളം ട്രാക്കിലെ കുട്ടി ചാമ്പ്യനായി ശിവന്യ 
