10 ലക്ഷം രൂപ ചെലവിൽ അത്യാധുനിക സൗകര്യങ്ങൾ മലപ്പുറം ശിഹാബ് തങ്ങൾ ലൈബ്രറി മന്ത്രി പി.കെ കുഞ്ഞാലിക്കുട്ടി നാടിന് സമർപ്പിച്ചു
മലപ്പുറം നഗരസഭ 10 ലക്ഷം രൂപ ചെലവഴിച്ച് ആധുനിക സൗകര്യങ്ങളോടെ നവീകരിച്ച സയ്യിദ് മുഹമ്മദലി ശിഹാബ് തങ്ങൾ മെമ്മോറിയൽ ലൈബ്രറി മന്ത്രി പി.കെ. കുഞ്ഞാലിക്കുട്ടി ഉദ്ഘാടനം ചെയ്തു.
Angel Varghese 
ശിഹാബ് തങ്ങൾ മെമ്മോറിയൽ ലൈബ്രറി നവീകരണം പൂർത്തിയായി; മന്ത്രി പി.കെ. കുഞ്ഞാലിക്കുട്ടി ഉദ്ഘാടനം ചെയ്തു
മലപ്പുറം: മലപ്പുറം നഗരസഭയുടെ കീഴിൽ കുന്നുമ്മൽ ടൗൺ ഹാളിൽ പ്രവർത്തിക്കുന്ന സയ്യിദ് മുഹമ്മദലി ശിഹാബ് തങ്ങൾ മെമ്മോറിയൽ ലൈബ്രറി ആധുനിക സൗകര്യങ്ങളോടെ നവീകരിച്ചു. നവീകരണ പ്രവർത്തനങ്ങളുടെ ഔദ്യോഗിക ഉദ്ഘാടനം സംസ്ഥാന ഐ.ടി. - വ്യവസായ വകുപ്പ് മന്ത്രി പി.കെ. കുഞ്ഞാലിക്കുട്ടി നിർവഹിച്ചു.
നഗരസഭയുടെ വാർഷിക പദ്ധതിയിൽ ഉൾപ്പെടുത്തി 10 ലക്ഷം രൂപ ചെലവഴിച്ചാണ് ലൈബ്രറിയുടെ മുഖച്ഛായ മാറ്റിയത്. വായനക്കാർക്ക് കൂടുതൽ സൗകര്യപ്രദമായ രീതിയിൽ ലൈബ്രറിയുടെ ഉൾഭാഗം നവീകരിക്കുകയും, ആധുനിക ഫർണിച്ചറുകൾ, മെച്ചപ്പെട്ട വായനാ സൗകര്യങ്ങൾ, പുതിയ പുസ്തക ക്രമീകരണങ്ങൾ എന്നിവ ഒരുക്കുകയും ചെയ്തിട്ടുണ്ട്.
ഉദ്ഘാടനച്ചടങ്ങിൽ മലപ്പുറം നഗരസഭ ചെയർപേഴ്സൺ അഡ്വ. റിനിഷ വി അധ്യക്ഷത വഹിച്ചു. ചടങ്ങിനിടെ നഗരസഭ ഭരണസമിതിയുടെ ഉപഹാരം മന്ത്രി പി.കെ. കുഞ്ഞാലിക്കുട്ടിക്ക് ചെയർപേഴ്സൺ കൈമാറി.
വൈസ് ചെയർമാൻ ജിതേഷ് ജി. അനിൽ, സ്ഥിരംസമിതി അധ്യക്ഷരായ ഹാരിസ് ആമിയൻ, പരി അബ്ദുൽ മജീദ്, മറിയുമ്മ ഷെരീഫ്, ആബിദ എട്ടുവീട്ടിൽ, നാണത്ത് സമീറ മുസ്തഫ എന്നിവരും പ്രതിപക്ഷ നേതാവ് അനിൽകുമാർ, നഗരസഭ സെക്രട്ടറി സുധീർ കെ., ലൈബ്രറി കോഡിനേറ്റർ റസാക്ക് മാസ്റ്റർ, പി.കെ. ബാവ, ഫെബിൻ മാസ്റ്റർ, വിവിധ നഗരസഭ കൗൺസിലർമാർ, ഉദ്യോഗസ്ഥർ, ജീവനക്കാർ എന്നിവർ ചടങ്ങിൽ പങ്കെടുത്തു.
