അന്താരാഷ്ട്ര യോഗ ദിനം ഹരിപ്പാട് മെഗാ യോഗ ക്യാമ്പും ലഹരിവിരുദ്ധ പ്രതിജ്ഞയും രമേശ് ചെന്നിത്തല ഉദ്ഘാടനം ചെയ്തു
അന്താരാഷ്ട്ര യോഗ ദിനാചരണത്തിന്റെ ഭാഗമായി ഹരിപ്പാട് സ്കൈ സ്പോർട്സ് ടർഫിൽ സംഘടിപ്പിച്ച മെഗാ യോഗ ക്യാമ്പും ലഹരിവിരുദ്ധ പ്രതിജ്ഞയും മുൻ ആഭ്യന്തര മന്ത്രി രമേശ് ചെന്നിത്തല ഉദ്ഘാടനം ചെയ്തു. ലഹരിക്കെതിരെയുള്ള ശക്തമായ ബോധവൽക്കരണവുമായിട്ടായിരുന്നു പരിപാടി.
Rajeev 
ഹരിപ്പാട് അന്താരാഷ്ട്ര യോഗ ദിനാഘോഷവും മെഗാ യോഗ ക്യാമ്പും രമേശ് ചെന്നിത്തല ഉദ്ഘാടനം ചെയ്തു
ഹരിപ്പാട്: അന്താരാഷ്ട്ര യോഗ ദിനാഘോഷങ്ങളുടെ ഭാഗമായി ഹരിപ്പാട് സ്കൈ സ്പോർട്സ് ടർഫിൽ വെച്ച് സംഘടിപ്പിച്ച മെഗാ യോഗ ക്യാമ്പും ലഹരിവിരുദ്ധ പ്രതിജ്ഞയും മുൻ ആഭ്യന്തര മന്ത്രിയും എം.എൽ.എയുമായ രമേശ് ചെന്നിത്തല ഉദ്ഘാടനം ചെയ്തു.
ആരോഗ്യമുള്ള ഒരു സമൂഹ സൃഷ്ടിക്കും യുവതലമുറയെ ലഹരി എന്ന വിപത്തിൽ നിന്ന് മോചിപ്പിക്കുന്നതിനുമുള്ള ബോധവൽക്കരണത്തിന്റെ ഭാഗമായാണ് യോഗ ക്യാമ്പിനൊപ്പം ലഹരിവിരുദ്ധ പ്രതിജ്ഞയും സംഘടിപ്പിച്ചത്. നവകേരള നിർമ്മിതിക്ക് ശാരീരിക-മാനസിക ആരോഗ്യമുള്ള തലമുറ അനിവാര്യമാണെന്ന് ഉദ്ഘാടന പ്രസംഗത്തിൽ രമേശ് ചെന്നിത്തല വ്യക്തമാക്കി.
വിവിധ പ്രമുഖ വ്യക്തികളും യോഗാചാര്യന്മാരും പങ്കെടുത്ത ചടങ്ങിൽ നൂറുകണക്കിന് ആളുകളാണ് ഒത്തുചേർന്ന് യോഗാസനങ്ങൾ അഭ്യസിച്ചത്. പൊതുജനങ്ങളിൽ യോഗയെക്കുറിച്ചുള്ള അവബോധം വളർത്താൻ ഇത്തരം കൂട്ടായ്മകൾ സഹായിക്കുമെന്ന് സംഘാടകർ അറിയിച്ചു. പ്രദേശത്തെ സാമൂഹിക-സാംസ്കാരിക രംഗത്തെ പ്രമുഖരും ചടങ്ങിൽ സന്നിഹിതരായിരുന്നു
