മധുരയെ ഇളക്കിമറിച്ച് സൂര്യ കറുപ്പ് ഓഡിയോ ലോഞ്ച് സാംസ്കാരിക ഉത്സവമായി ചിത്രം മെയ് 14 ന്

ആർ ജെ ബാലാജി സംവിധാനം ചെയ്യുന്ന സൂര്യ ചിത്രം കറുപ്പ് സിനിമയുടെ ഓഡിയോ ലോഞ്ച് മധുരയിൽ നടന്നു. മെയ് 14 ന് ചിത്രം തിയേറ്ററുകളിലെത്തും. തൃഷ, ഇന്ദ്രൻസ് തുടങ്ങിയവർ പ്രധാന വേഷങ്ങളിൽ എത്തുന്നു.

Pratheesh Sekhar

Apr 28, 2026 - 09:56

മധുരയെ ഇളക്കിമറിച്ച് സൂര്യ കറുപ്പ് ഓഡിയോ ലോഞ്ച് സാംസ്കാരിക ഉത്സവമായി ചിത്രം മെയ് 14 ന്

ആർ ജെ ബാലാജി സംവിധാനം ചെയ്യുന്ന സൂര്യ ചിത്രം 'കറുപ്പ്' സിനിമയുടെ ഓഡിയോ ലോഞ്ച് മധുരയിൽ നടന്നു.

മധുരയെ ആവേശക്കടലാക്കി സൂര്യയുടെ 'കറുപ്പ്'; വമ്പൻ ഓഡിയോ ലോഞ്ച് നടന്നു, ചിത്രം മെയ് 14-ന് തിയേറ്ററുകളിലേക്ക്

മധുര: ആരാധകർ കാത്തിരുന്ന സൂര്യ ചിത്രം 'കറുപ്പ്' ഓഡിയോ ലോഞ്ച് മധുരയിൽ വെച്ച് അതിഗംഭീരമായി നടന്നു. സോളമലൈ എൻജിനീയറിങ് കോളേജിൽ നടന്ന ചടങ്ങ് ആയിരക്കണക്കിന് ആരാധകരുടെ പങ്കാളിത്തം കൊണ്ട് ഒരു സാംസ്കാരിക ഉത്സവമായി മാറി. ആർ.ജെ. ബാലാജി സംവിധാനം ചെയ്യുന്ന ചിത്രം മെയ് 14-ന് ആഗോളതലത്തിൽ തിയേറ്ററുകളിലെത്തും.

മധുരയുടെ പ്രശസ്തമായ ചിത്തിരൈ തിരുവിഴയെ ഓർമ്മിപ്പിക്കുന്ന ആവേശമാണ് പരിപാടിയിൽ ദൃശ്യമായതെന്ന് സൂര്യ പറഞ്ഞു. "കഴിഞ്ഞ 28 വർഷമായി എന്നെ ഒരു നായകനായി നിലനിർത്തുന്നത് നിങ്ങളേകുന്നു ഈ സ്നേഹമാണ്. ഈ സിനിമയിൽ താനല്ല, മറിച്ച് 'കറുപ്പുസ്വാമി'യാണ് യഥാർത്ഥ നായകൻ," സൂര്യ ആരാധകരെ അഭിസംബോധന ചെയ്തുകൊണ്ട് സംസാരിച്ചു.

രണ്ട് വർഷത്തെ നീണ്ട പരിശ്രമത്തിനൊടുവിലാണ് ഈ ചിത്രം പൂർത്തിയായതെന്ന് സംവിധായകൻ ആർ.ജെ. ബാലാജി പറഞ്ഞു. തെന്നിന്ത്യൻ താരം തൃഷ കൃഷ്ണ, മലയാളത്തിന്റെ പ്രിയ നടൻ ഇന്ദ്രൻസ് എന്നിവർ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. 'അടിപ്പൊളി' ഫെയിം സായി അഭ്യങ്കർ സംഗീതം നിർവ്വഹിക്കുന്ന ചിത്രം വലിയൊരു ദൃശ്യ-സംഗീത വിരുന്നായിരിക്കുമെന്ന് അണിയറപ്രവർത്തകർ അവകാശപ്പെട്ടു. ഡ്രീം വാര്യർ പിക്ചേഴ്സിന്റെ ബാനറിൽ എസ്.ആർ. പ്രഭുവാണ് ചിത്രം നിർമ്മിക്കുന്നത്.