ആവോലിയിൽ കർഷകദിനാഘോഷം മാത്യു കുഴൽനാടൻ എം.എൽ.എ ഉദ്ഘാടനം ചെയ്തു
ആവോലി ഗ്രാമപഞ്ചായത്തും കൃഷി ഭവനും സംയുക്തമായി സംഘടിപ്പിച്ച കർഷകദിനാഘോഷം മാത്യു കുഴൽനാടൻ എം.എൽ.എ ഉദ്ഘാടനം ചെയ്തു. ചടങ്ങിൽ മികച്ച കർഷകരെ ആദരിക്കുകയും കുട്ടികളുടെ വിവിധ കലാപരിപാടികൾ അരങ്ങേറുകയും ചെയ്തു.
അനില എം കൃഷ്ണൻ 
ആവോലിയിൽ കർഷകദിനാഘോഷം സംഘടിപ്പിച്ചു; മാത്യു കുഴൽനാടൻ എം.എൽ.എ ഉദ്ഘാടനം ചെയ്തു
മൂവാറ്റുപുഴ: ആവോലി ഗ്രാമപഞ്ചായത്തും കൃഷി ഭവനും സംയുക്തമായി സംഘടിപ്പിച്ച കർഷകദിനാഘോഷം മൂവാറ്റുപുഴ എം.എൽ.എ മാത്യു കുഴൽനാടൻ ഉദ്ഘാടനം ചെയ്തു. കർഷകരെ ആദരിക്കുന്നതിനൊപ്പം കൃഷിമേഖലയിലെ പുതിയ സാധ്യതകൾ പ്രയോജനപ്പെടുത്തേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി.
ആവോലി ഗ്രാമപഞ്ചായത്ത് പ്രസിഡന്റ് ജോജി കെ. ജോസ് ചടങ്ങിൽ അധ്യക്ഷത വഹിച്ചു. കൃഷിമേഖലയിലെ മികവിന് വിവിധ വിഭാഗങ്ങളിൽ കഴിവ് തെളിയിച്ച കർഷകരെയും വ്യക്തികളെയും ചടങ്ങിൽ പ്രത്യേകം ആദരിച്ചു.
മൂവാറ്റുപുഴ ബ്ലോക്ക് പഞ്ചായത്ത് വൈസ് പ്രസിഡന്റ് ജോസ് പെരുമ്പിള്ളിക്കുന്നേൽ, ബ്ലോക്ക് പഞ്ചായത്ത് അംഗങ്ങളായ ബിന്ദു ജോർജ്, സഹിറ മജീദ്, ഗ്രാമപഞ്ചായത്ത് അംഗങ്ങൾ, സി.ഡി.എസ് ചെയർപേഴ്സൺ അസ്മ, രമേശ് തുടങ്ങിയ ജനപ്രതിനിധികളും സാമൂഹിക പ്രവർത്തകരും ചടങ്ങിൽ സംസാരിച്ചു.
വാർഷികാഘോഷത്തോടനുബന്ധിച്ച് കുട്ടികൾ അവതരിപ്പിച്ച വിവിധ കലാപരിപാടികൾ ചടങ്ങിന് മാറ്റുകൂട്ടി. പഞ്ചായത്തിലെ നിരവധി കർഷകരും നാട്ടുകാരും പരിപാടിയിൽ പങ്കെടുത്തു.
