ആറുമാസമാസം റേഷൻ കൈപ്പറ്റിയില്ലെങ്കിൽ കാർഡ് അസാധുവാകും 
കാലവർഷക്കെടുതി ആലപ്പുഴയ്ക്ക് 80.07 കോടി രൂപയുടെ ധനസഹായം പ്രഖ്യാപിച്ച് സംസ്ഥാന സർക്കാർ 
നാടിന് തണലായി സ്മാർട്ട് സേവനങ്ങൾ കുഞ്ചിത്തണ്ണി വില്ലേജ് ഓഫീസ് ഇനി പുതിയ രൂപത്തിൽ 
മുക്കുപണ്ടം പണയം വെച്ച് 41 ലക്ഷം കവർന്നു 48 കാരി കോതമംഗലത്ത് അറസ്റ്റിൽ 
മമ്മൂട്ടിയുടെ പ്രത്യേക പുരസ്കാരം സ്വന്തമാക്കി യുവതാരം സൂര്യ കൃഷ്ൺ 
48 വർഷത്തെ കാത്തിരിപ്പിന് വിരാമം ഇടുക്കി പട്ടയമേളയിൽ കണ്ണീരണിഞ്ഞ് സരോജിനി 683 കുടുംബങ്ങൾക്ക് സ്വന്തം മണ്ണ് കാലവർഷക്കെടുതി ആലപ്പുഴയ്ക്ക് 80.07 കോടി രൂപയുടെ ധനസഹായം പ്രഖ്യാപിച്ച് സംസ്ഥാന സർക്കാർ
കാലവർഷക്കെടുതിയിൽ പ്രളയജലം കയറി നാശനഷ്ടങ്ങൾ നേരിട്ട ആലപ്പുഴ ജില്ലയിലെ കുടുംബങ്ങൾക്ക് ആശ്വാസമായി സംസ്ഥാന സർക്കാർ 80.07 കോടി രൂപ അനുവദിച്ചു. റേഷൻ കാർഡ് അധിഷ്ഠിത ധനസഹായമടക്കം ഒരു ലക്ഷത്തിലധികം കുടുംബങ്ങൾക്ക് ഇതിന്റെ പ്രയോജനം ലഭിക്കും.
Rajeev 
ആലപ്പുഴയിൽ പ്രളയബാധിതർക്ക് ആശ്വാസം: 80.07 കോടി രൂപയുടെ ധനസഹായം പ്രഖ്യാപിച്ച് സർക്കാർ
ആലപ്പുഴ: കാലവർഷക്കെടുതിയിൽ വീടുകളിലും പരിസരങ്ങളിലും വെള്ളം കയറി കടുത്ത നാശനഷ്ടങ്ങൾ നേരിട്ട ആലപ്പുഴ ജില്ലയിലെ കുടുംബങ്ങൾക്ക് ആശ്വാസവുമായി സംസ്ഥാന സർക്കാർ. ദുരിതാശ്വാസ പ്രവർത്തനങ്ങൾക്കായി 80.07 കോടി രൂപയുടെ സാമ്പത്തിക സഹായമാണ് സർക്കാർ അനുവദിച്ചത്. മുഖ്യമന്ത്രിയുടെ ദുരിതാശ്വാസ നിധി (CMDRF), സംസ്ഥാന ദുരന്ത പ്രതികരണ നിധി (SDRF) എന്നിവയിൽ നിന്നാണ് ഈ തുക ലഭ്യമാക്കിയത്.
ദുരിതാശ്വാസ നിധിയിൽ നിന്ന് 32.13 കോടി രൂപയും, സംസ്ഥാന ദുരന്ത പ്രതികരണ നിധി വിഹിതമായി 25.56 കോടി രൂപയുമാണ് വകയിരുത്തിയിരിക്കുന്നത്. ഇതിനുപുറമെ പ്രളയം നേരിട്ട് ബാധിച്ച കുടുംബങ്ങൾക്കായി റേഷൻ കാർഡ് അടിസ്ഥാനമാക്കി 22.37 കോടി രൂപയുടെ പ്രത്യേക സഹായവും നൽകും.
ഒരു റേഷൻ കാർഡിലെ രണ്ട് മുതിർന്ന വ്യക്തികളെ വീതം കണക്കാക്കി, പ്രതിദിനം 300 രൂപ നിരക്കിൽ ഏഴ് ദിവസത്തേക്കാണ് ഈ പ്രത്യേക ധനസഹായം തുകയായി നൽകുന്നത്. ഈ പദ്ധതിയിലൂടെ ജില്ലയിലെ 1,06,535 ഗുണഭോക്താക്കൾക്ക് തുക നേരിട്ട് ലഭിക്കും. പ്രളയക്കെടുതിയിൽ വലയുന്ന തീരദേശ, കുട്ടനാടൻ മേഖലകളിലെ ജനങ്ങൾക്ക് വലിയ ആശ്വാസമാകുന്നതാണ് സർക്കാരിന്റെ ഈ നടപടി.
