ആറുമാസമാസം റേഷൻ കൈപ്പറ്റിയില്ലെങ്കിൽ കാർഡ് അസാധുവാകും
സംസ്ഥാനത്ത് സ്മാർട്ട് പി.ഡി.എസ് നടപ്പാക്കുന്നതിന്റെ ഭാഗമായി റേഷൻ കൈപ്പറ്റാത്ത കാർഡുകൾ ഡീആക്ടിവേറ്റ് ചെയ്യുന്നു. ഇ കെവൈസി പൂർത്തിയാക്കാൻ 3 മാസം സമയപരിധി.
റേഷൻ വാങ്ങാത്തവർ ശ്രദ്ധിക്കുക: 6 മാസം റേഷൻ കൈപ്പറ്റിയില്ലെങ്കിൽ കാർഡ് അസാധുവാകും eKYC ഉടൻ പൂർത്തിയാക്കണം
തിരുവനന്തപുരം: സംസ്ഥാനത്ത് പൊതുവിതരണ സംവിധാനം കൂടുതൽ സുതാര്യമാക്കുന്നതിന്റെ ഭാഗമായി നടപ്പിലാക്കുന്ന 'സ്മാർട്ട് പി.ഡി.എസ്' (Smart PDS) പദ്ധതി വഴി റേഷൻ കാർഡ് മാനദണ്ഡങ്ങളിൽ കർശന നിയന്ത്രണങ്ങളുമായി പൊതുവിതരണ ഉപഭോക്തൃകാര്യ വകുപ്പ്. തുടർച്ചയായി ആറുമാസമായി റേഷൻ വിഹിതം കൈപ്പറ്റാത്ത കാർഡുകൾ ‘സൈലന്റ് റേഷൻ കാർഡുകൾ’ (Silent Ration Cards) ആയി കണ്ടെത്തി ഡീആക്ടിവേറ്റ് ചെയ്യുമെന്ന് വകുപ്പ് അറിയിച്ചു.
ഡീആക്ടിവേറ്റ് ചെയ്യപ്പെടുന്ന കാർഡുകളിലെ മുഴുവൻ ഗുണഭോക്താക്കളും മൂന്ന് മാസത്തിനകം eKYC നടപടികൾ പൂർത്തിയാക്കിയാൽ മാത്രമേ കാർഡുകൾ വീണ്ടും ആക്ടിവേറ്റ് ചെയ്തു നൽകുകയുള്ളൂ. നിശ്ചിത സമയപരിധിക്കുള്ളിൽ eKYC പൂർത്തിയാക്കാത്ത പക്ഷം ഇത്തരം കാർഡുകൾ പൂർണ്ണമായും അസാധുവാക്കി പൊതുവിതരണ വകുപ്പിന്റെ ഡാറ്റാബേസിൽ നിന്ന് നീക്കം ചെയ്യും.
ഒന്നിലധികം കാർഡുകളിൽ പേരുള്ളവർക്കും മുന്നറിയിപ്പ്
ഒന്നിലധികം റേഷൻ കാർഡുകളിൽ പേര് ഉൾപ്പെട്ടിട്ടുള്ള ഗുണഭോക്താക്കൾ മൂന്ന് മാസത്തിനകം eKYC പൂർത്തിയാക്കി, അവർക്ക് ആവശ്യമായ നിലനിർത്തേണ്ട കാർഡ് തിരഞ്ഞെടുക്കേണ്ടതാണ്. തുടർന്ന് മറ്റ് കാർഡുകളിൽ നിന്ന് തങ്ങളുടെ പേര് നീക്കം ചെയ്യാനുള്ള നടപടികളും സ്വീകരിക്കണം. നിശ്ചിത സമയപരിധിക്കുള്ളിൽ ഈ നടപടികൾ പൂർത്തിയാക്കാത്ത പക്ഷം അത്തരം കാർഡുകളും ഗുണഭോക്തൃ വിവരങ്ങളും സിസ്റ്റത്തിൽ നിന്ന് ഒഴിവാക്കും.
സ്മാർട്ട് പി.ഡി.എസ് പദ്ധതി പൂർണ്ണമായി നടപ്പാക്കുന്നതോടെ ഇത് സംബന്ധിച്ച കൂടുതൽ വിശദാംശങ്ങളും മാർഗ്ഗനിർദ്ദേശങ്ങളും ഗുണഭോക്താക്കളെ അറിയിക്കുമെന്ന് പൊതുവിതരണ ഉപഭോക്തൃകാര്യ കമ്മീഷണർ വ്യക്തമാക്കി. റേഷൻ ആനുകൂല്യങ്ങൾ തടസ്സമില്ലാതെ തുടർന്നും ലഭിക്കുന്നതിന് എല്ലാ ഉപഭോക്താക്കളും സമയബന്ധിതമായി eKYC ഉൾപ്പെടെയുള്ള കാര്യങ്ങൾ പൂർത്തിയാക്കണമെന്ന് അധികൃതർ അഭ്യർത്ഥിച്ചു
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
