ശ്രീനാരായണ ഗുരുവിനെതിരായ അധിക്ഷേപം പേരാമംഗലം തന്ത്രി കെ.വി. സുഭാഷ് കസ്റ്റഡിയിൽ
സോഷ്യൽ മീഡിയയിലൂടെ ശ്രീനാരായണ ഗുരുവിനെ അധിക്ഷേപിച്ച കേസിൽ പേരാമംഗലം നാഗരാജ ക്ഷേത്രം തന്ത്രി കെ.വി. സുഭാഷിനെ പോലീസ് കസ്റ്റഡിയിലെടുത്തു. ആലുവ സൈബർ സ്റ്റേഷനിൽ ചോദ്യം ചെയ്യൽ തുടരുന്നു.
ശ്രീനാരായണ ഗുരുവിനെതിരായ അധിക്ഷേപം: തന്ത്രി കെ.വി. സുഭാഷ് പോലീസ് കസ്റ്റഡിയിൽ
മൂവാറ്റുപുഴ: സോഷ്യൽ മീഡിയയിലൂടെ ശ്രീനാരായണ ഗുരുവിനെ മോശമായി അധിക്ഷേപിച്ച സംഭവത്തിൽ തന്ത്രി കെ.വി. സുഭാഷിനെ (57) പോലീസ് കസ്റ്റഡിയിലെടുത്തു. മൂവാറ്റുപുഴ കല്ലൂർ പേരാമംഗലം നാഗരാജ ക്ഷേത്രം ട്രസ്റ്റ് തന്ത്രിയായ ഇയാളെ വെള്ളിയാഴ്ച രാത്രി ഏഴുമണിയോടെയാണ് പേരാമംഗലം നാഗരാജ ക്ഷേത്രത്തിൽ വെച്ച് കല്ലൂർക്കാട് ഇൻസ്പെക്ടർ സിബി തോമസിന്റെയും എസ്ഐ എസ്. കണ്ണന്റെയും നേതൃത്വത്തിലുള്ള പോലീസ് സംഘം പിടികൂടിയത്. തുടർനടപടികൾക്കായി പ്രതിയെ എറണാകുളം സൈബർ പോലീസിന് കൈമാറി.
യൂട്യൂബിലൂടെ ഗുരുദേവനെ അധിക്ഷേപിക്കുകയും സമൂഹത്തിൽ വിദ്വേഷം പടർത്തി കലാപത്തിന് ശ്രമിക്കുകയും ചെയ്തുവെന്നാണ് കേസ്. കോട്ടയം പള്ളം സ്വദേശി ഷൈൻ സഹദേവൻ, എസ്എൻഡിപി യോഗം മൂവാറ്റുപുഴ യൂണിയൻ സെക്രട്ടറി അഡ്വ. എ.കെ. അനിൽകുമാർ എന്നിവർ നൽകിയ പരാതികളിലാണ് പോലീസ് നടപടി. ഒളിവിൽ പോകാൻ ശ്രമിക്കുന്നതിനിടെയാണ് ഇയാൾ പിടിയിലായത്. ചോദ്യം ചെയ്യലിനായി പ്രതിയെ ആലുവ സൈബർ സ്റ്റേഷനിലേക്ക് മാറ്റിയിട്ടുണ്ട്. സുഭാഷ് തന്ത്രിക്കെതിരെ സംസ്ഥാന സന്യാസി സഭയും ശക്തമായ പ്രതിഷേധവുമായി രംഗത്തെത്തി.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
