ഭിക്ഷാടകനെ രണ്ട് കിലോമീറ്റർ വലിച്ചിഴച്ചു മൃതദേഹം വഴിയരികിൽ ഉപേക്ഷിച്ച ഡ്രൈവർ പിടിയിൽ
കാറിടിച്ച ഭിക്ഷാടകനെ രണ്ട് കിലോമീറ്ററോളം വലിച്ചിഴച്ച ശേഷം മൃതദേഹം വഴിയരികിൽ ഉപേക്ഷിച്ചു. സംഭവത്തിൽ കാറോടിച്ച കടത്തൂർ സ്വദേശി ഷാജഹാനെ പൊലീസ് കസ്റ്റഡിയിലെടുത്തു
കാറിനടിയിൽ കുടുങ്ങിയ ഭിക്ഷാടകനെ രണ്ട് കിലോമീറ്റർ വലിച്ചിഴച്ചു; മൃതദേഹം വഴിയരികിൽ ഉപേക്ഷിച്ച ഡ്രൈവർ പിടിയിൽ
കൊല്ലം: കരുനാഗപ്പള്ളിയിൽ വാഹനാപകടത്തിൽപ്പെട്ട ഭിക്ഷാടകനെ കാറിനടിയിൽ രണ്ട് കിലോമീറ്ററോളം വലിച്ചിഴച്ച ശേഷം മൃതദേഹം വഴിയരികിൽ ഉപേക്ഷിച്ചു. സംഭവത്തിൽ കാറോടിച്ച കടത്തൂർ സ്വദേശി ഷാജഹാനെ കരുനാഗപ്പള്ളി പൊലീസ് കസ്റ്റഡിയിലെടുത്തു. മരിച്ചയാളെ ഇതുവരെ തിരിച്ചറിയാനായിട്ടില്ല.
കൊല്ലം വവ്വാക്കാവിൽ ദേശീയപാതയ്ക്ക് സമീപമാണ് ദാരുണമായ അപകടമുണ്ടായത്. സമീപത്തെ റോഡിലേക്ക് കയറുന്ന സമയത്ത് ഭിക്ഷാടകൻ കാറിന് മുന്നിൽപ്പെടുകയായിരുന്നു. കാറിന് മുന്നിൽ ഒരാൾ കുടുങ്ങിയിട്ടുണ്ടെന്ന് അറിഞ്ഞുകൊണ്ട് തന്നെ ഡ്രൈവർ ഏകദേശം രണ്ട് കിലോമീറ്ററിലധികം ദൂരം വാഹനം മുന്നോട്ട് ഓടിക്കുകയായിരുന്നുവെന്ന് പൊലീസ് വ്യക്തമാക്കി.
അപകടത്തിന് ശേഷം ഭിക്ഷാടകന്റെ മൃതദേഹം റോഡിന്റെ ഒരു വശത്തേക്ക് മാറ്റിയ ശേഷം ഇയാൾ ഒന്നും സംഭവിക്കാത്തതുപോലെ യാത്ര തുടരുകയായിരുന്നു. പ്രദേശത്തെ സിസിടിവി ദൃശ്യങ്ങളിൽ ഈ ക്രൂരത വ്യക്തമായി പതിഞ്ഞിട്ടുണ്ട്.
സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് കരുനാഗപ്പള്ളിയിൽ പച്ചക്കറി വ്യാപാരം നടത്തുന്ന ഷാജഹാനാണ് വാഹനം ഓടിച്ചിരുന്നതെന്ന് പൊലീസ് തിരിച്ചറിഞ്ഞത്. പ്രതിക്കെതിരെ മനപ്പൂർവ്വമല്ലാത്ത നരഹത്യയ്ക്ക് പൊലീസ് കേസെടുത്തു. മൃതദേഹം തിരിച്ചറിയുന്നതിനുള്ള നടപടികൾ പൊലീസ് ആരംഭിച്ചിട്ടുണ്ട്.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
