പ്രിയദർശിനി ബസിൽ ആണുങ്ങൾക്കും സീറോ ടിക്കറ്റ് കണ്ടക്ടർ പിടിയിൽ
പെരുമ്പാവൂർ ഡിപ്പോയിൽ നിന്ന് മൂവാറ്റുപുഴ–ആലുവ റൂട്ടിൽ സർവീസ് നടത്തുന്ന പ്രിയദർശിനി ബസിലെ കണ്ടക്ടർ വിജയനാണ് വിജിലൻസ് പരിശോധനയിൽ കുടുങ്ങിയത്
കെഎസ്ആർടിസിയിൽ പുരുഷന്മാർക്കും 'സീറോ ടിക്കറ്റ്': പണം വാങ്ങി തട്ടിപ്പ് നടത്തിയ കണ്ടക്ടർ പിടിയിൽ
പെരുമ്പാവൂർ: കെഎസ്ആർടിസി ബസിൽ യാത്ര ചെയ്ത പുരുഷന്മാർക്ക് സൗജന്യ യാത്രയ്ക്കുള്ള 'സീറോ ടിക്കറ്റ്' നൽകി തുക വെട്ടിച്ച കണ്ടക്ടർ പിടിയിൽ. പെരുമ്പാവൂർ ഡിപ്പോയിൽ നിന്ന് മൂവാറ്റുപുഴ–ആലുവ റൂട്ടിൽ സർവീസ് നടത്തുന്ന 'പ്രിയദർശിനി' ബസിലെ കണ്ടക്ടർ വിജയനാണ് വിജിലൻസ് പരിശോധനയിൽ കുടുങ്ങിയത്. ഇയാൾക്കെതിരെ വകുപ്പുതല നടപടികൾക്ക് ശുപാർശ ചെയ്ത് അധികൃതർ വിജിലൻസ് വിഭാഗത്തിന് റിപ്പോർട്ട് കൈമാറി.
വാഴക്കുളം പഞ്ചായത്തിലെ മഞ്ഞപ്പെട്ടി സ്റ്റോപ്പിൽ ഇറങ്ങിയ രണ്ട് പുരുഷ യാത്രക്കാരുടെ ടിക്കറ്റ് ഇൻസ്പെക്ടർ പ്രിയേഷ് പോൾ പരിശോധിച്ചപ്പോഴാണ് സംഭവം പുറത്തുവരുന്നത്. പരിശോധനയിൽ ഇരുവരുടെയും കൈവശം സീറോ ടിക്കറ്റുകളാണ് ഉണ്ടായിരുന്നത്. എന്നാൽ, തങ്ങൾ കണ്ടക്ടർക്ക് കൃത്യമായി യാത്രക്കൂലി നൽകിയിട്ടുണ്ടെന്ന് യാത്രക്കാർ വെളിപ്പെടുത്തി.
തുടർന്ന് ഇൻസ്പെക്ടർ ബസിനുള്ളിൽ കയറി കൂടുതൽ പരിശോധന നടത്തുകയായിരുന്നു. ഈ സമയം 3 പുരുഷ യാത്രക്കാർക്ക് കൂടി സീറോ ടിക്കറ്റ് നൽകിയതായി കണ്ടെത്തുകയായിരുന്നു. ഇവരും കണ്ടക്ടർക്ക് പണം നൽകിയതായി സ്ഥിരീകരിച്ചതോടെയാണ് കണ്ടക്ടർക്കെതിരെ ഉടനടി നടപടി സ്വീകരിച്ചത്.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
