ശബരിമല തീർത്ഥാടനം റോഡ് നവീകരണത്തിന് 551.50 കോടി അനുവദിച്ചു
ശബരിമല തീർത്ഥാടനം സുഗമമാക്കാൻ പൊതുമരാമത്ത് വകുപ്പിന് 551.50 കോടി രൂപ അനുവദിച്ചു. റോഡുകളുടെ പുനരുദ്ധാരണവും അടിസ്ഥാന സൗകര്യ വികസനവും യുദ്ധകാലാടിസ്ഥാനത്തിൽ പൂർത്തിയാക്കാൻ നിർദ്ദേശം.
അനില എം കൃഷ്ണൻ 
ശബരിമല തീർത്ഥാടനം: അടിസ്ഥാന സൗകര്യ വികസനത്തിന് 551.50 കോടി രൂപ അനുവദിച്ചു; പ്രവൃത്തികൾ യുദ്ധകാലാടിസ്ഥാനത്തിൽ പൂർത്തിയാക്കാൻ നിർദ്ദേശം
ശബരിമല: വരാനിരിക്കുന്ന ശബരിമല തീർത്ഥാടനം കൂടുതൽ സുഗമവും ഭക്തജനങ്ങൾക്ക് സുരക്ഷിതവുമാക്കുന്നതിനായി സംസ്ഥാന സർക്കാർ വിപുലമായ ഒരുക്കങ്ങൾ ആരംഭിച്ചു. തീർത്ഥാടന പാതകളുടെയും റോഡുകളുടെയും നവീകരണത്തിനും അടിസ്ഥാന സൗകര്യങ്ങൾ മെച്ചപ്പെടുത്തുന്നതിനുമായി പൊതുമരാമത്ത് വകുപ്പിന് 551.50 കോടി രൂപ അനുവദിച്ചു.
കഴിഞ്ഞ വർഷത്തെക്കാൾ 173.70 കോടി രൂപയുടെ അധിക തുകയാണ് ഇത്തവണ സർക്കാർ ശബരിമല വികസന പ്രവർത്തനങ്ങൾക്കായി മാറ്റിവെച്ചിരിക്കുന്നത്. തീർത്ഥാടനം ആരംഭിക്കുന്നതിന് മുൻപ് തന്നെ റോഡ് പുനരുദ്ധാരണവും മറ്റ് അറ്റകുറ്റപ്പണികളും പൂർത്തിയാക്കാൻ ബന്ധപ്പെട്ട ഉദ്യോഗസ്ഥർക്ക് കർശന നിർദ്ദേശം നൽകിയിട്ടുണ്ട്. എല്ലാ പ്രവൃത്തികളും യുദ്ധകാലാടിസ്ഥാനത്തിൽ പൂർത്തിയാക്കാനാണ് പൊതുമരാമത്ത് വകുപ്പിന്റെ തീരുമാനം.
