അസംഘടിത തൊഴിലാളികളുടെ മക്കൾക്ക് പഠനോപകരണങ്ങൾ വാങ്ങാൻ ധനസഹായം ജൂൺ 5 വരെ അപേക്ഷിക്കാം
കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോർഡ് അംഗങ്ങളുടെ മക്കൾക്ക് പഠനോപകരണങ്ങൾ വാങ്ങുന്നതിനുള്ള ധനസഹായത്തിന് അപേക്ഷ ക്ഷണിച്ചു. ജൂൺ 5 ആണ് അവസാന തീയതി
Rajeev 
പഠനോപകരണങ്ങൾ വാങ്ങുന്നതിന് ധനസഹായം: അസംഘടിത തൊഴിലാളികളുടെ മക്കൾക്ക് അപേക്ഷിക്കാം
ആലപ്പുഴ: കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിലെ അംഗങ്ങളുടെ മക്കൾക്ക് പഠനോപകരണങ്ങൾ വാങ്ങുന്നതിനുള്ള ധനസഹായത്തിന് അപേക്ഷ ക്ഷണിച്ചു. ജില്ലയിൽ നിന്നുള്ള ബോർഡ് അംഗങ്ങളുടെ മക്കളിൽ, 2026-27 അധ്യയന വർഷത്തിൽ എൽ.കെ.ജി. (LKG), ഒന്നാം ക്ലാസ് എന്നിവടങ്ങളിൽ പുതുതായി പ്രവേശനം നേടുന്ന കുട്ടികൾക്കാണ് ഈ ആനുകൂല്യം ലഭിക്കുക.
താല്പര്യമുള്ള അർഹരായ ഗുണഭോക്താക്കൾ https://services.unorganisedwssb.org എന്ന ഔദ്യോഗിക വെബ്സൈറ്റ് വഴി ഓൺലൈനായി വേണം അപേക്ഷ സമർപ്പിക്കാൻ. ജൂൺ അഞ്ചാണ് അപേക്ഷ സ്വീകരിക്കുന്ന അവസാന തീയതി.
ഓൺലൈനായി സമർപ്പിച്ച അപേക്ഷയുടെ പകർപ്പും, ആവശ്യമായ മറ്റ് അനുബന്ധ രേഖകളും നിശ്ചിത സമയത്തിനകം അസംഘടിത തൊഴിലാളി സാമൂഹ്യ സുരക്ഷാ ബോർഡിന്റെ ജില്ലാ ഓഫീസിൽ നേരിട്ടോ തപാൽ മാർഗ്ഗമോ എത്തിക്കേണ്ടതാണ്. കൂടുതൽ വിവരങ്ങൾക്ക് ബന്ധപ്പെടേണ്ട ഫോൺ നമ്പർ: 0477-2241455.
