ആ ഓർമ്മകൾക്ക് പ്രണാമം പി.എൻ. പണിക്കരുമായുള്ള ആത്മബന്ധം പങ്കുവെച്ച് കല്ലേലി രാഘവൻ പിള്ള
ജില്ലാതല വായനദിന വായനമാസാചരണ ഉദ്ഘാടനത്തിന് മുന്നോടിയായി ഗാന്ധിയൻ കല്ലേലി രാഘവൻ പിള്ളയുടെ വസതിയിൽ വായനദീപം തെളിയിച്ചു.
Rajeev 
വായനമാസാചരണം: ആലപ്പുഴയുടെ ഗുരുനാഥന് മുന്നിൽ വായനദീപം തെളിച്ചു
ആലപ്പുഴ: സംസ്ഥാന വായനദിന - വായനമാസാചരണത്തിന്റെ ജില്ലാതല ഉദ്ഘാടനത്തിന് മുന്നോടിയായി ആലപ്പുഴയുടെ ഗുരുനാഥനും പ്രമുഖ ഗാന്ധിയനുമായ കല്ലേലി രാഘവൻ പിള്ളയുടെ വസതിയിൽ വായനദീപം തെളിച്ചു. ജില്ലാ ഇൻഫർമേഷൻ ഓഫീസ്, ജില്ലാ സാക്ഷരതാ മിഷൻ, പി. എൻ. പണിക്കർ ഫൗണ്ടേഷൻ എന്നിവയുടെ സംയുക്ത ആഭിമുഖ്യത്തിലാണ് ചടങ്ങ് സംഘടിപ്പിച്ചത്.
അക്ഷരവെളിച്ചം സമൂഹത്തിൽ ഒരുപോലെ പടരുവാൻ താൻ നിമിത്തമായതിൽ ഏറെ സന്തോഷമുണ്ടെന്ന് ചടങ്ങിൽ സംസാരിച്ച പ്രമുഖ എഴുത്തുകാരൻ കൂടിയായ കല്ലേലി രാഘവൻ പിള്ള പറഞ്ഞു. കേരളത്തിലെ ഗ്രന്ഥശാലാ പ്രസ്ഥാനത്തിന്റെ അമരക്കാരൻ പി. എൻ. പണിക്കരുമായുള്ള തന്റെ ആത്മബന്ധവും അദ്ദേഹത്തോടൊപ്പമുള്ള അനുഭവങ്ങളും അദ്ദേഹം ഈ വേളയിൽ അനുസ്മരിച്ചു.
തുടർന്ന് അദ്ദേഹം ഭാരവാഹികൾക്ക് വായനദീപം കൈമാറി. ചടങ്ങിൽ ജില്ലാ സാക്ഷരതാ മിഷൻ കോ-ഓർഡിനേറ്റർ ദീപ ജെയിംസ്, ജില്ലാ ഇൻഫർമേഷൻ ഓഫീസർ കെ. എസ്. സുമേഷ് എന്നിവർ ചേർന്ന് കല്ലേലി രാഘവൻ പിള്ളയെ പൊന്നാടയണിയിച്ച് ആദരിച്ചു. സാക്ഷരതാ മിഷൻ ജില്ലാ കോ-ഓർഡിനേറ്ററും പ്രേരക്മാരും ചേർന്നാണ് വായനദീപം ഏറ്റുവാങ്ങിയത്.
പി. എൻ. പണിക്കർ ഫൗണ്ടേഷൻ ജില്ലാ വർക്കിംഗ് പ്രസിഡന്റ് കെ. നാസർ, ഡോ. എൻ. ആർ. ചിത്ര, ജില്ലാ സാക്ഷരതാ മിഷൻ അസിസ്റ്റന്റ് കോ-ഓർഡിനേറ്റർ എസ്. ലേഖ, അസിസ്റ്റന്റ് ഇൻഫർമേഷൻ ഓഫീസർ പി. എസ്. സജിമോൻ, പി. എൻ. പണിക്കർ ഫൗണ്ടേഷൻ ഭാരവാഹികൾ തുടങ്ങിയവർ ചടങ്ങിൽ പങ്കെടുത്തു
.
