പാവപ്പെട്ട സമുദായക്കാരനായതുകൊണ്ടാണോ എന്നെ മാത്രം കുറ്റപ്പെടുത്തുന്നത്

വെള്ളാപ്പള്ളി നടേശൻ: "പാവപ്പെട്ട സമുദായക്കാരനായതുകൊണ്ടാണോ എന്നെ മാത്രം കുറ്റപ്പെടുത്തുന്നത്?"

​തദ്ദേശീയ  തിരഞ്ഞെടുപ്പ് ഫലത്തിന്റെ പേരിൽ തന്നെമാത്രം ചിലർ കുറ്റപ്പെടുത്തുന്നത് പാവപ്പെട്ട സമുദായക്കാരനായതുകൊണ്ടാണോ എന്ന് എസ്.എൻ.ഡി.പി. യോഗം ജനറൽ സെക്രട്ടറി വെള്ളാപ്പള്ളി നടേശൻ ചോദിച്ചു. തിരഞ്ഞെടുപ്പിൽ എൽ.ഡി.എഫിന്റെ പരാജയത്തിന് വെള്ളാപ്പള്ളി കാരണക്കാരനാണെന്നും അദ്ദേഹത്തിന്റെ നിലപാടുകൾക്ക് മുഖ്യമന്ത്രി പിണറായി വിജയൻ പരസ്യമായി പിന്തുണ നൽകിയത് 

​ന്യൂനപക്ഷ പ്രീണനം: എൻ.എസ്.എസിനെയും വിമർശിച്ച് വെള്ളാപ്പള്ളി

​മുന്നണികൾ മത-സാമുദായിക പ്രീണനം നടത്തുന്നതിനെതിരെ താൻ മാത്രമല്ല, എൻ.എസ്.എസ്. നേതൃത്വവും പ്രതികരിച്ചിട്ടുണ്ട്. മലപ്പുറത്ത് ഇതര സമുദായക്കാർക്ക് ഒരു കുടിപ്പള്ളിക്കൂടം പോലും നൽകാത്തതിനെക്കുറിച്ച് പറഞ്ഞത് വസ്തുത മാത്രമാണെന്നും, ഈ വസ്തുത മറച്ചുവെച്ച് മുസ്‌ലിം ലീഗാണ് വർഗീയ പ്രചാരണം നടത്തുന്നതെന്നും അദ്ദേഹം ആരോപിച്ചു. ലീഗിനെ കൂടെക്കൂട്ടുന്ന കോൺഗ്രസ് അവരുടെ വ്യക്തിത്വം നശിപ്പിക്കുകയാണെന്നും, ലീഗിന് അടിമപ്പെടുകയാണെന്നും വെള്ളാപ്പള്ളി കൂട്ടിച്ചേർത്തു.

​ആഗോള അയ്യപ്പ സംഗമത്തെ എസ്.എൻ.ഡി.പി. യോഗം മാത്രമല്ല എൻ.എസ്.എസും പിന്തുണച്ചിരുന്നു. അവരും പ്രതിനിധിയെ അയച്ചിരുന്നു. എന്നിട്ടും എസ്.എൻ.ഡി.പി. യോഗം ജനറൽ സെക്രട്ടറിയെ മാത്രം കുറ്റപ്പെടുത്തുന്നത് എന്തുകൊണ്ടാണെന്ന് മനസ്സിലാകുന്നില്ലെന്നും എൻ.എസ്.എസിനെ ആരും കുറ്റപ്പെടുത്താത്തത് എന്തുകൊണ്ടാണെന്നും അദ്ദേഹം ചോദിച്ചു.

​മുഖ്യമന്ത്രിയുടെ കാറിൽ യാത്ര: "എനിക്കെന്താ അയിത്തമുണ്ടോ?"

​മുഖ്യമന്ത്രിയുടെ വാഹനത്തിൽ യാത്ര ചെയ്തതിനെ ചിലർ പരിഹസിക്കുന്നതിനോടും അദ്ദേഹം പ്രതികരിച്ചു. "അതിനെക്കാൾ വലിയ കാറുള്ളവനാണ് ഞാൻ. മുഖ്യമന്ത്രിയോടൊപ്പം ഇരിക്കാതിരിക്കാൻ എനിക്കെന്താ അയിത്തമുണ്ടോ?" – വെള്ളാപ്പള്ളി ചോദിച്ചു.

​പറയുന്ന കാര്യങ്ങളുടെ വസ്തുത നോക്കാതെ വർഗീയമായി വഴിതിരിച്ചുവിടുന്ന പ്രവണതയാണ് ഇപ്പോൾ കാണുന്നതെന്നും, ഭൂരിപക്ഷ സമുദായക്കാർ പറയുന്നത് വർഗീയതയും ന്യൂനപക്ഷക്കാർ പറയുന്നത് മതേതരത്വവുമാണെന്ന മട്ടിലുള്ള പ്രചാരണം അപകടകരമാണെന്നും വെള്ളാപ്പള്ളി നടേശൻ പറഞ്ഞു.