സെൻസസ് പ്ലാൻ ജില്ലാ കളക്ടർ ഷാജി വി. നായർ പ്രകാശനം ചെയ്തു
സെൻസസ് 2027 ന്റെ ഭാഗമായി ആലപ്പുഴ ജില്ലയിലെ സെൻസസ് പ്ലാൻ ജില്ലാ കളക്ടർ ഷാജി വി. നായർ പ്രകാശനം ചെയ്തു. ഒന്നാംഘട്ട പ്രവർത്തനങ്ങളുടെ പുരോഗതി വിലയിരുത്താൻ സെൻസസ് ഡെപ്യൂട്ടി ഡയറക്ടർ സഞ്ജീവ് ഭാട്ടിയ ജില്ലയിലെത്തി.
Rajeev 
സെൻസസ് 2027: ആലപ്പുഴ ജില്ലാ സെൻസസ് പ്ലാൻ കളക്ടർ പ്രകാശനം ചെയ്തു
ആലപ്പുഴ: രാജ്യം വരാനിരിക്കുന്ന സെൻസസ് 2027-ലേക്ക് കടക്കുന്നതിന്റെ ഭാഗമായി, ആലപ്പുഴ ജില്ലയിലെ സെൻസസ് പ്ലാൻ ജില്ലാ കളക്ടർ ഷാജി വി. നായർ പ്രകാശനം ചെയ്തു. കളക്ടറേറ്റിൽ നടന്ന ചടങ്ങിൽ സെൻസസ് ഡെപ്യൂട്ടി ഡയറക്ടർ സഞ്ജീവ് ഭാട്ടിയക്ക് പ്ലാൻ കൈമാറിക്കൊണ്ടാണ് പ്രകാശന കർമ്മം നിർവ്വഹിച്ചത്.
സെൻസസ് 2027-ന്റെ ഒന്നാംഘട്ട പ്രവർത്തനങ്ങളുടെ പുരോഗതി നേരിട്ട് വിലയിരുത്തുന്നതിനായാണ് സെൻസസ് ഡെപ്യൂട്ടി ഡയറക്ടർ സഞ്ജീവ് ഭാട്ടിയ കളക്ടറേറ്റ് സന്ദർശിച്ചത്. ഇതിന്റെ തുടർച്ചയായി, സെൻസസ് ഡയറക്ടറേറ്റ് സംസ്ഥാനതലത്തിൽ സ്കൂൾ, ഹയർസെക്കൻഡറി, കോളേജ് വിദ്യാർഥികൾക്കായി സംഘടിപ്പിച്ച ക്വിസ് മത്സരങ്ങളിലെ വിജയികൾക്കുള്ള സമ്മാനദാനവും അദ്ദേഹം നിർവ്വഹിച്ചു.
വരും ദിവസങ്ങളിൽ ആലപ്പുഴ ജില്ലയിലെ വിവിധ സെൻസസ് ചാർജ് ഓഫീസുകളിലെ ഒന്നാംഘട്ട പ്രവർത്തനങ്ങളുടെ പുരോഗതി ഡെപ്യൂട്ടി ഡയറക്ടർ നേരിട്ട് സന്ദർശിച്ച് വിലയിരുത്തും. ജൂലൈ 15 വരെ അദ്ദേഹം ജില്ലയിലെ വിവിധ സെൻസസ് പ്രവർത്തനങ്ങളുടെ അവലോകനം നടത്തുമെന്നാണ് ഔദ്യോഗിക വിവരം.
ചടങ്ങിൽ ജില്ലാ സെൻസസ് ഓഫീസർ കൂടിയായ അഡീഷണൽ ജില്ലാ മജിസ്ട്രേറ്റ് സി. പ്രേംജി, ജില്ലാ പ്ലാനിംഗ് ഓഫീസർ കലാമുദ്ദീൻ എന്നിവരും മറ്റ് ഉദ്യോഗസ്ഥരും പങ്കെടുത്തു.
