അപകടമുഖത്ത് കരുതലാകാൻ പോലീസ് ആലുവയിൽ റോഡ് സുരക്ഷാ പരിശീലനം

റോഡപകടങ്ങൾ തടയുന്നതിൻ്റെ ഭാഗമായി ആലുവ ജില്ലാ പോലീസ് ആസ്ഥാനത്ത് അഞ്ച് ദിവസമായി നടക്കുന്ന റേഞ്ച് തല ട്രാഫിക് ആൻഡ് റോഡ് സേഫ്റ്റി മാനേജ്മെൻ്റ് പരിശീലനം ശനിയാഴ്ച സമാപിക്കും.

അപകടമുഖത്ത് കരുതലാകാൻ പോലീസ് ആലുവയിൽ റോഡ് സുരക്ഷാ പരിശീലനം
റോഡപകടങ്ങൾ കുറയ്ക്കാൻ ലക്ഷ്യമിട്ട് ആലുവയിൽ പോലീസ് ഉദ്യോഗസ്ഥർക്കായി റോഡ് സുരക്ഷാ പരിശീലനം
അപകടമുഖത്ത് കരുതലാകാൻ പോലീസ് ആലുവയിൽ റോഡ് സുരക്ഷാ പരിശീലനം
അപകടമുഖത്ത് കരുതലാകാൻ പോലീസ് ആലുവയിൽ റോഡ് സുരക്ഷാ പരിശീലനം

റോഡപകടങ്ങൾ കുറയ്ക്കാൻ ലക്ഷ്യമിട്ട് ആലുവയിൽ പോലീസ് ഉദ്യോഗസ്ഥർക്കായി റോഡ് സുരക്ഷാ പരിശീലനം

ആലുവ: റോഡപകടങ്ങൾ തടയുന്നതിൻ്റെയും സുരക്ഷാ ക്രമീകരണങ്ങൾ ശക്തമാക്കുന്നതിൻ്റെയും ഭാഗമായി ആലുവ ജില്ലാ പോലീസ് ആസ്ഥാനത്ത് ഉദ്യോഗസ്ഥർക്കായി സംഘടിപ്പിച്ച അഞ്ച് ദിവസത്തെ റേഞ്ച് തല ട്രാഫിക് ആൻഡ് റോഡ് സേഫ്റ്റി മാനേജ്മെൻ്റ് പരിശീലന പരിപാടി ശനിയാഴ്ച സമാപിക്കും. ജില്ലാ പോലീസ് മേധാവി കെ.എസ്. സുദർശൻ ഉദ്ഘാടനം ചെയ്ത പരിശീലന പരിപാടിയിൽ അമ്പതോളം പോലീസ് ഉദ്യോഗസ്ഥരാണ് പങ്കെടുക്കുന്നത്.

​പരിശീലനത്തിൻ്റെ ഭാഗമായി അപകടമുണ്ടായാൽ സ്വീകരിക്കേണ്ട അടിയന്തര നടപടികളെക്കുറിച്ച് ആലുവ പുളിഞ്ചോട് ജംഗ്ഷനിൽ പ്രായോഗിക പരിശീലനം (മോക്ക് ഡ്രിൽ) നടത്തി. രണ്ട് ഇരുചക്രവാഹനങ്ങൾ കൂട്ടിയിടിച്ചാൽ പരിക്കേറ്റവരെ രക്ഷിക്കുന്നതിനും ഗതാഗതം പുനഃസ്ഥാപിക്കുന്നതിനുമായി അടിയന്തരമായി ചെയ്യേണ്ട കാര്യങ്ങളാണ് ഉദ്യോഗസ്ഥർ ആവിഷ്കരിച്ചത്.

​കൂടാതെ, അപകട കാരണങ്ങൾ നേരിട്ട് മനസ്സിലാക്കുന്നതിനായി നെടുമ്പാശ്ശേരിയിൽ നേരത്തെ അപകടം നടന്ന സ്ഥലവും പോലീസ് സംഘം സന്ദർശിച്ചു. റോഡ് സുരക്ഷാ രംഗത്തെ പ്രമുഖ വിദഗ്ധരാണ് അഞ്ച് ദിവസത്തെ ക്യാമ്പിൽ ഉദ്യോഗസ്ഥർക്ക് ക്ലാസുകൾ നയിക്കുന്നത്.