സിവിൽ എൻജിനീയറിംഗ് ബിരുദധാരികൾക്ക് അവസരം പട്ടികജാതി വികസന വകുപ്പിൽ പരിശീലന പദ്ധതി 
ആദിവാസി കുരുന്നുകൾക്ക് ഇനി പോഷകാമൃതം കരുതലായി എറണാകുളം ജില്ലാ പഞ്ചായത്ത് 
ഗാന്ധിയൻ ദർശനങ്ങൾ ഇന്നും ലോകത്തിന് വഴികാട്ടി ബെന്നി ബഹനാൻ എം.പി. 
താനൂർ ദുരന്തം ഉണർത്തിയ ആശയം ദേശീയ തലത്തിൽ മിന്നിത്തിളങ്ങി സായ് കൃഷ്ണ 
സംസ്ഥാന സ്കൂൾ കായികമേള കുടിവെള്ള വിതരണത്തിനായി തണ്ണീർക്കുടങ്ങൾ സജ്ജമാക്കി വെൽഫെയർ കമ്മിറ്റി നാളികേര പുതുകൃഷിക്കും നഴ്‌സറികള്‍ക്കും ധനസഹായം വര്‍ദ്ധിപ്പിച്ചു
എറണാകുളത്ത് നാളികേര കൃഷി വ്യാപനത്തിനായി തെങ്ങിന്റെ പുതുക്കൃഷിക്ക് തൈ ഒന്നിന് 350 രൂപ വരെയും ഹെക്ടറിന് 56,000 രൂപ വരെയും ധനസഹായം പ്രഖ്യാപിച്ചു. ഗുണനിലവാരമുള്ള തൈകള്‍ക്കായി നഴ്‌സറി പദ്ധതിക്കും ആനുകൂല്യം ലഭിക്കും.
Abu TA 
നാളികേര പുതുകൃഷിക്കും നഴ്‌സറികള്‍ക്കും ധനസഹായം വര്‍ദ്ധിപ്പിച്ചു
എറണാകുളം:നാളികേര കൃഷി വ്യാപനം ലക്ഷ്യമിട്ട് നാളികേര വികസന ബോര്‍ഡ് നടപ്പാക്കുന്ന തെങ്ങിന്റെ പുതുക്കൃഷി പദ്ധതിയില്‍ ഗുണഭോക്താക്കള്‍ക്കുള്ള ധനസഹായം വര്‍ദ്ധിപ്പിച്ചു. മുമ്പ് ഒരു തൈയ്ക്ക് ഏകദേശം 40 രൂപ ലഭിച്ചിരുന്ന സ്ഥാനത്ത്, ഇനി മുതല്‍ 350 രൂപ വരെ ലഭിക്കും. ശാസ്ത്രീയമായി പുതിയ തെങ്ങിന്‍ തൈകള്‍ നട്ട് കൃഷി വ്യാപിപ്പിക്കുന്നതാണ് പദ്ധതി. ഒരു ഹെക്ടറില്‍ (2.5 ഏക്കര്‍) പുതുക്കൃഷി നടത്തുന്നതിന് 56,000 രൂപ വരെ (28,000 രൂപ വീതമുള്ള രണ്ട് തുല്യ വാര്‍ഷിക ഗഡുക്കളായി) ധനസഹായം ലഭിക്കും. പരമാവധി രണ്ട് ഹെക്ടറിന് വരെ ഈ ആനുകൂല്യം ലഭ്യമാണ്. കുറഞ്ഞത് 20 സെന്റില്‍ 10 തൈകളെങ്കിലും നടുന്നവര്‍ക്ക് ആനുപാതികമായ തുക ലഭിക്കും. എന്നാൽ നിലവിലുള്ള തോട്ടങ്ങളില്‍ അടിതൈ നടുന്നതിന് ഇത് ബാധകമല്ല. തൈകള്‍ നട്ടശേഷം നിര്‍ദ്ദിഷ്ട അപേക്ഷ അതത് കൃഷിഭവൻ മുഖേന സമര്‍പ്പിക്കണം.
ഗുണമേന്മയുള്ള തെങ്ങിന്‍തൈകളുടെ ലഭ്യത ഉറപ്പാക്കാൻ നാളികേര നഴ്‌സറി പദ്ധതിയും നടപ്പാക്കുന്നുണ്ട്. 25 സെന്റില്‍ 10,000 വിത്തുതേങ്ങകള്‍ പാകി 6,250 തൈകള്‍ ഉത്പാദിപ്പിക്കുന്ന ചെറിയ നഴ്‌സറികള്‍ക്ക് ചെലവിന്റെ 50% (പരമാവധി 2,81,250 രൂപ) ധനസഹായം ലഭിക്കും. ഒരു ഏക്കറില്‍ 25,000 തൈകള്‍ ഉത്പാദിപ്പിക്കുന്നതിനും ധനസഹായമുണ്ട് (തൈയൊന്നിന് 45 രൂപ വീതം).
വിശദവിവരങ്ങളും അപേക്ഷാ ഫോറങ്ങളും ബോര്‍ഡിന്റെ വെബ്‌സൈറ്റില്‍ ലഭ്യമാണ്. ഫോണ്‍: 0484 23777266 / 0484 23777267
