സംസ്ഥാനത്ത് സമ്പൂർണ വെജിറ്റബിൾ മിഷൻ നടപ്പാക്കും മന്ത്രി ടി. സിദ്ദിഖ്
അടുത്ത സാമ്പത്തിക വർഷത്തോടെ കേരളത്തിൽ സമ്പൂർണ വെജിറ്റബിൾ മിഷൻ നടപ്പാക്കുമെന്ന് കൃഷിവകുപ്പ് മന്ത്രി ടി. സിദ്ദിഖ്. പള്ളിപ്പുറം പാടശേഖരത്തിലെ കൊയ്ത്തുത്സവം ഉദ്ഘാടനം ചെയ്തു
സംസ്ഥാനത്ത് സമ്പൂർണ വെജിറ്റബിൾ മിഷൻ നടപ്പാക്കും: മന്ത്രി ടി. സിദ്ദിഖ് പള്ളിപ്പുറം പാടശേഖരത്തിലെ കൊയ്ത്തുത്സവം ഉദ്ഘാടനം ചെയ്തു
തിരുവനന്തപുരം: അമിതമായ കീടനാശിനി ഉപയോഗം ഒഴിവാക്കി പരമ്പരാഗത കാർഷികസംസ്കാരം വീണ്ടെടുക്കുന്നതിനും ഓരോ വീടുകളും കൃഷിയിടങ്ങളായി മാറണമെന്ന് കൃഷിവകുപ്പ് മന്ത്രി ടി. സിദ്ദിഖ്. അടുത്ത സാമ്പത്തിക വർഷത്തോടെ സംസ്ഥാനത്ത് സമ്പൂർണ വെജിറ്റബിൾ മിഷൻ നടപ്പാക്കുന്നതിനുള്ള നടപടികൾ സർക്കാർ ആരംഭിച്ചതായും മന്ത്രി അറിയിച്ചു. അണ്ടൂർക്കോണം ഗ്രാമപഞ്ചായത്തിലെ പള്ളിപ്പുറം പാടശേഖരത്തിലെ കൊയ്ത്തുത്സവം ഉദ്ഘാടനം ചെയ്യുകയായിരുന്നു അദ്ദേഹം.
വർഷങ്ങളായി തരിശുകിടന്ന പള്ളിപ്പുറം പാടശേഖരം കൃഷിവകുപ്പിന്റെയും ജനപ്രതിനിധികളുടെയും കർഷകരുടെയും കൂട്ടായ പരിശ്രമത്തിലൂടെ കൃഷിയോഗ്യമാക്കിയത് മാതൃകാപരമായ പ്രവർത്തനമാണ്. ഭക്ഷ്യ സ്വയംപര്യാപ്തതയിലേക്കുള്ള നിർണായക ചുവടുവെപ്പാണ് പാടശേഖരത്തിലെ കൊയ്ത്തുത്സവമെന്നും മന്ത്രി പറഞ്ഞു.
125 ഏക്കർ വിസ്തൃതിയുള്ള പാടശേഖരത്തിൽ 'ശ്രേയസ്' നെൽവിത്താണ് കൃഷിക്കായി ഉപയോഗിച്ചത്. 2026 ജൂൺ 29നായിരുന്നു വിത്തിറക്കിയത്. കൃഷിക്ക് നേതൃത്വം നൽകിയ കർഷകരായ ഗോപിനാഥൻ, കുഞ്ഞുമോൻ, വിവേക്, ഷൂട്ടർ സനോജ്, കൃഷി ഓഫീസർ റോഷ്ന എസ്. എന്നിവരെ മന്ത്രി ചടങ്ങിൽ ആദരിച്ചു.
ജി.ആർ. അനിൽ എം.എൽ.എ, ജില്ലാ പഞ്ചായത്ത് പ്രസിഡന്റ് വി. പ്രിയദർശിനി, പോത്തൻകോട് ബ്ലോക്ക് പഞ്ചായത്ത് പ്രസിഡന്റ് ജോളി പത്രോസ്, പ്രിൻസിപ്പൽ കൃഷി ഓഫീസർ ദീപ വി., കൃഷി ഓഫീസർ റോഷ്ന എസ്. തുടങ്ങിയവർ പങ്കെടുത്തു. സ്കൂൾതല കതിർ ക്ലബ്ബിലെ വിദ്യാർഥികളും ജനപ്രതിനിധികളും ചടങ്ങിൽ സന്നിഹിതരായിരുന്നു.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
