ഡൽഹിയിലെ കേരള പവലിയൻ സന്ദർശിച്ച് മന്ത്രി വി.ഇ. അബ്ദുൾ ഗഫൂർ

ന്യൂഡൽഹി ഭാരത് മണ്ഡപത്തിൽ നടക്കുന്ന ഭാരത അന്താരാഷ്ട്ര വ്യാപാര മേളയിലെ (IITF 2026) കേരള പവലിയൻ മന്ത്രി വി.ഇ. അബ്ദുൾ ഗഫൂർ സന്ദർശിച്ചു. പവലിയനിലെ സ്റ്റാളുകളും കുടുംബശ്രീ, സാഫ് ഫുഡ് കോർട്ടുകളും അദ്ദേഹം സന്ദർശിച്ചു.

ഡൽഹിയിലെ കേരള പവലിയൻ സന്ദർശിച്ച് മന്ത്രി വി.ഇ. അബ്ദുൾ ഗഫൂർ
ഭാരത അന്താരാഷ്ട്ര വ്യാപാര മേളയിലെ കേരളത്തിന്റെ സാഫ് ഫുഡ് കോർട്ട് സന്ദർശിക്കുന്ന സംസ്ഥാന ഫിഷറീസ്, സാമൂഹിക നീതി വകുപ്പ് മന്ത്രി വി.ഇ. അബ്ദുൾ ഗഫൂർ.
ഡൽഹിയിലെ കേരള പവലിയൻ സന്ദർശിച്ച് മന്ത്രി വി.ഇ. അബ്ദുൾ ഗഫൂർ

​ഐഐടിഎഫ് 2026: കേരള പവലിയൻ സന്ദർശിച്ച് മന്ത്രി വി.ഇ. അബ്ദുൾ ഗഫൂർ

​ന്യൂഡൽഹി: ഭാരത് മണ്ഡപത്തിൽ നടന്നുവരുന്ന ഭാരത അന്താരാഷ്ട്ര വ്യാപാര മേളയിലെ (ഐഐടിഎഫ്) കേരള സർക്കാർ പവലിയൻ ഫിഷറീസ്, സാമൂഹിക നീതി വകുപ്പ് മന്ത്രി വി.ഇ. അബ്ദുൾ ഗഫൂർ സന്ദർശിച്ചു.

​പവലിയനിലെത്തിയ മന്ത്രിയെ പി.ആർ.ഡി അഡീഷണൽ ഡയറക്ടർ കെ.പി. സരിത സ്വീകരിച്ചു. വിവിധ സർക്കാർ വകുപ്പുകൾ പവലിയനിൽ ഒരുക്കിയിരിക്കുന്ന സ്റ്റാളുകൾ ഉദ്യോഗസ്ഥർക്കൊപ്പം അദ്ദേഹം സന്ദർശിച്ചു. മികച്ച രീതിയിൽ സജ്ജീകരിച്ചിരിക്കുന്ന കേരള പവലിയന് മേളയിൽ വമ്പിച്ച സ്വീകാര്യതയാണ് ലഭിക്കുന്നതെന്നും, ഡൽഹിയിലുള്ള എല്ലാ മലയാളികളും മേളയിലെത്തി പവലിയൻ സന്ദർശിക്കണമെന്നും മന്ത്രി പറഞ്ഞു.

​തുടർന്ന് സാഫിന്റെയും (SAF) കുടുംബശ്രീയുടെയും ഫുഡ് കോർട്ടുകൾ സന്ദർശിച്ച മന്ത്രി കേരളീയ വിഭവങ്ങൾ രുചിച്ചു നോക്കി. ഐ.പി.ആർ.ഡി ഡെപ്യൂട്ടി ഡയറക്ടർ സി.എഫ്. ദിലീപ് കുമാർ, ഇൻഫർമേഷൻ ഓഫീസർമാരായ പി.ആർ. സാബു, പ്രതീഷ് ഡി. മണി, ശ്രീകാന്ത് എം. ഗിരിനാഥ് എന്നിവർ മന്ത്രിയെ അനുഗമിച്ചു. കഴിഞ്ഞ എട്ട് ദിവസമായി നടന്നുവരുന്ന വ്യാപാര മേള നവംബർ 27-ന് സമാപിക്കും.