മൂവാറ്റുപുഴയിൽ ഉത്തരവാദിത്ത ടൂറിസത്തിന് തുടക്കം ഗ്രാമീണ കാഴ്ചകളും പ്രകൃതിസൗന്ദര്യവും കോർത്തിണക്കും
മൂവാറ്റുപുഴയിലെ പ്രകൃതിസൗന്ദര്യവും ഗ്രാമീണ കാഴ്ചകളും കോർത്തിണക്കി ഉത്തരവാദിത്ത ടൂറിസം പദ്ധതിക്ക് തുടക്കമായി. തദ്ദേശ സ്ഥാപനങ്ങൾക്കും നാട്ടുകാർക്കും വരുമാനവും തൊഴിലും ഉറപ്പാക്കുകയാണ് MTDCS ലക്ഷ്യമിടുന്നത്.
MTDCS യോഗം: മൂവാറ്റുപുഴയിൽ ഉത്തരവാദിത്ത ടൂറിസത്തിന് തുടക്കം; ഗ്രാമീണ വിനോദസഞ്ചാര സാധ്യതകൾ പ്രയോജനപ്പെടുത്തും
മൂവാറ്റുപുഴ: ഗ്രാമങ്ങളുടെ പച്ചപ്പും പ്രകൃതിസൗന്ദര്യവും നാട്ടുജീവിതത്തിന്റെ തനിമയും കോർത്തിണക്കി ഉത്തരവാദിത്ത ടൂറിസത്തിന്റെ പുതിയ സാധ്യതകൾ തേടി മൂവാറ്റുപുഴ. പ്രകൃതിഭംഗിയും പ്രാദേശിക കാഴ്ചകളും ടൂറിസം മേഖലയ്ക്ക് പ്രയോജനപ്പെടുത്തുന്നതിനായി മൂവാറ്റുപുഴ ടൂറിസം ഡെവലപ്മെന്റ് സൊസൈറ്റിയുടെ (MTDCS) ആഭിമുഖ്യത്തിൽ വിപുലമായ യോഗം ചേർന്നു.
പ്രാദേശിക തദ്ദേശ സ്വയംഭരണ സ്ഥാപനങ്ങളെയും നഗരസഭയെയും കോർത്തിണക്കി വിനോദസഞ്ചാര പദ്ധതികൾ നടപ്പിലാക്കുകയാണ് ലക്ഷ്യം. ഇതുവഴി തദ്ദേശ സ്ഥാപനങ്ങളുടെ വരുമാനം ഉയർത്തുന്നതിനൊപ്പം നാട്ടുകാർക്ക് പുതിയ തൊഴിലവസരങ്ങൾ സൃഷ്ടിക്കാനും സാധിക്കും.
MTDCS പ്രസിഡന്റ് എൽദോ ബാബു വട്ടക്കാവന്റെ അധ്യക്ഷതയിൽ ചേർന്ന യോഗത്തിൽ എൽദോസ് കെ. വർഗീസ് പദ്ധതി വിശദീകരിച്ചു. ആവോലി പഞ്ചായത്തിലെ ആനിക്കാട് ചിറയുടെ സാധ്യതകൾ പഞ്ചായത്ത് പ്രസിഡന്റ് ജോജി ജോസും, മാറാടി പഞ്ചായത്തിലെ ശൂലം വെള്ളച്ചാട്ടം–കായനാട് മേഖലകളുടെ സാധ്യതകൾ പഞ്ചായത്ത് പ്രസിഡന്റ് ഷാന്റി എബ്രഹാമും അവതരിപ്പിച്ചു.
പോയാലിമല, ആട്ടായം ചിറ, വാഴക്കുളം ചക്കിപ്പാറ, മണിയൻതടം എന്നീ കേന്ദ്രങ്ങളിലെ പ്രകൃതിഭംഗിയും ടൂറിസം സാധ്യതകളും സിജു വളവി യോഗത്തിൽ ചൂണ്ടിക്കാട്ടി. പുഴയോര ടൂറിസത്തിന്റെയും ഗ്രാമീണ കാഴ്ചകളുടെയും പ്രസക്തിയെക്കുറിച്ച് ജോൺ മർക്കോസ് സംസാരിച്ചു.
വിവിധ പഞ്ചായത്ത് പ്രസിഡന്റുമാർ, ഹോംസ്റ്റേ–റിസോർട്ട് ഉടമകൾ, സാമൂഹിക-രാഷ്ട്രീയ-സാംസ്കാരിക രംഗത്തെ പ്രമുഖർ എന്നിവർ യോഗത്തിൽ പങ്കെടുത്തു. പ്രകൃതിസംരക്ഷണത്തിന് മുൻഗണന നൽകി ഗ്രാമീണ മേഖലയ്ക്ക് സാമ്പത്തിക വളർച്ച ഉറപ്പാക്കുന്ന ഉത്തരവാദിത്ത ടൂറിസത്തിന്റെ പുതിയൊരു അധ്യായത്തിനാണ് ഇതോടെ മൂവാറ്റുപുഴയിൽ തുടക്കമായിരിക്കുന്നത്.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
