കൃഷിയിടത്തിൽ യന്ത്രക്കരുത്ത് ഒക്കൽ വിത്തുത്പാദന കേന്ദ്രത്തിലെ തൊഴിലാളികൾക്ക് ത്രിദിന പരിശീലനം തുടങ്ങി

ജനകീയാസൂത്രണ പദ്ധതിയുടെ ഭാഗമായി ഒക്കൽ സംസ്ഥാന വിത്തുത്പാദന കേന്ദ്രത്തിലെ ഫാം തൊഴിലാളികൾക്കായി സംഘടിപ്പിക്കുന്ന മൂന്ന് ദിവസത്തെ യന്ത്ര പരിശീലന പരിപാടിക്ക് തുടക്കമായി.

കൃഷിയിടത്തിൽ യന്ത്രക്കരുത്ത് ഒക്കൽ വിത്തുത്പാദന കേന്ദ്രത്തിലെ തൊഴിലാളികൾക്ക് ത്രിദിന പരിശീലനം തുടങ്ങി
ഒക്കൽ വിത്തുത്പാദന കേന്ദ്രത്തിൽ ഫാം തൊഴിലാളികൾക്ക് ആരംഭിച്ച യന്ത്ര പരിശീലനം ജില്ലാ പഞ്ചായത്ത് പ്രസിഡൻറ് കെ ജി രാധാകൃഷ്ണൻ ഉദ്ഘാടനം ചെയ്യുന്നു

​ഒക്കൽ വിത്തുത്പാദന കേന്ദ്രത്തിൽ ഫാം തൊഴിലാളികൾക്കായി ത്രിദിന യന്ത്ര പരിശീലനം ആരംഭിച്ചു

​കൊച്ചി: എറണാകുളം ജില്ലാ പഞ്ചായത്തിന്റെ 2026-27 ജനകീയാസൂത്രണ പദ്ധതി പ്രകാരം ഒക്കൽ സംസ്ഥാന വിത്തുത്പാദന കേന്ദ്രത്തിലെ ഫാം തൊഴിലാളികൾക്കുള്ള യന്ത്ര പരിശീലന പരിപാടിക്ക് തുടക്കമായി. കാർഷിക യന്ത്രങ്ങളുടെ ശാസ്ത്രീയമായ ഉപയോഗം സംബന്ധിച്ച് എറണാകുളം അഗ്രി അസിസ്റ്റന്റ് എക്സിക്യൂട്ടീവ് എൻജിനീയറുടെ ഓഫീസിന്റെ നേതൃത്വത്തിലാണ് പരിശീലനം നൽകുന്നത്.

​പരിശീലന പരിപാടിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ.ജി. രാധാകൃഷ്ണൻ നിർവഹിച്ചു. വികസന സ്റ്റാൻഡിംഗ് കമ്മിറ്റി ചെയർമാൻ ഷൈജോ പറമ്പി ചടങ്ങിൽ അധ്യക്ഷത വഹിച്ചു. ഫാം ഓഫീസർ ബീത്തി ബാലചന്ദ്രൻ പദ്ധതി വിശദീകരണം നടത്തി.

​നവംബർ 19, 20, 21 തീയതികളിലായി മൂന്ന് ദിവസമാണ് ഫാം തൊഴിലാളികൾക്കുള്ള യന്ത്ര പരിശീലനം നടക്കുന്നത്. കാർഷിക മേഖലയിലെ യന്ത്രവൽക്കരണം കാര്യക്ഷമമാക്കുന്നതിനും തൊഴിലാളികളുടെ നൈപുണ്യ വികസനത്തിനും ലക്ഷ്യമിട്ടാണ് പദ്ധതി നടപ്പാക്കുന്നത്.