ഫാമിൽ കയറി പശുക്കളെ പീഡിപ്പിക്കാൻ ശ്രമം നഗ്നനായെത്തിയ അജ്ഞാതന്റെ സിസിടിവി ദൃശ്യങ്ങൾ പുറത്ത്
തൃശൂർ വെള്ളാനിക്കരയിൽ ഫാമിൽ അതിക്രമിച്ചു കയറി പശുക്കളെ ഉപദ്രവിച്ച സംഭവത്തിൽ പോലീസ് അന്വേഷണം ശക്തമാക്കി. അക്രമിയുടെ സിസിടിവി ദൃശ്യങ്ങൾ പുറത്തുവന്നു.
Rajeev 
തൃശൂർ വെള്ളാനിക്കരയിൽ ഫാമിൽ കയറി പശുക്കളെ ഉപദ്രവിച്ചു: അജ്ഞാതനായി തിരച്ചിൽ, ദൃശ്യങ്ങൾ സിസിടിവിയിൽ
തൃശൂർ: വെള്ളാനിക്കരയിൽ രാത്രിയിൽ ഫാമിൽ നഗ്നനായെത്തി പശുക്കളെ ലൈംഗികമായി പീഡിപ്പിക്കാൻ ശ്രമിച്ച സംഭവത്തിൽ പോലീസ് അന്വേഷണം ഊർജിതമാക്കി. കൊറ്റിക്കൽ സ്വദേശി സുധീഷിന്റെ ഉടമസ്ഥതയിലുള്ള ഫാമിലാണ് ശനിയാഴ്ച രാത്രി ദാരുണമായ സംഭവമുണ്ടായത്. ഫാമിലെ സിസിടിവി ക്യാമറകളിൽ അക്രമിയുടെ ദൃശ്യങ്ങൾ പതിഞ്ഞിട്ടുണ്ട്.
ഉദ്ദേശം ആറടി ഉയരമുള്ള പുരുഷനാണ് അതിക്രമം നടത്തിയതെന്ന് സിസിടിവി ദൃശ്യങ്ങളിൽ വ്യക്തമാണ്. ഫാമിലുണ്ടായിരുന്ന രണ്ട് പശുക്കളെ ഉപദ്രവിക്കാൻ ശ്രമിച്ച ഇയാൾ, പശുക്കിടാവിനെ പുറത്തേക്ക് വലിച്ചിഴച്ചു കൊണ്ടുപോയി ഉപദ്രവിച്ചതായും ഫാം ഉടമ നൽകിയ പരാതിയിൽ പറയുന്നു. രാത്രി പാത്രം വീഴുന്ന ശബ്ദം കേട്ട് ഉറക്കമുണർന്ന കറവക്കാരൻ അക്രമിയെ നേരിട്ടു കണ്ടെങ്കിലും ഇയാളെ തിരിച്ചറിയാൻ സാധിച്ചില്ല.
വാഹനത്തിലാണ് അക്രമി ഫാം സ്ഥിതി ചെയ്യുന്ന പ്രദേശത്ത് എത്തിയതെന്നാണ് നിഗമനം. സംഭവത്തിൽ ഫാം ഉടമ സുധീഷ് പോലീസിൽ ഔദ്യോഗികമായി പരാതി നൽകിയിട്ടുണ്ട്. സിസിടിവി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം ആരംഭിച്ചു.
