പെരുമ്പാവൂർ റോഡ് നവീകരണം ഉദ്ഘാടനം നിർവഹിച്ചു വികസന പദ്ധതികൾക്ക് പിന്തുണയുമായി പൊതുമരാമത്ത് വകുപ്പ് 
ഫാമിലി ഫൺ വൈബിൽ മഞ്ജു വാര്യർ ആനന്ദ് മേനോൻ ചിത്രം ഹാപ്പിലൂപ്പ് ഫസ്റ്റ് ലുക്ക് പുറത്ത് 
ജനകീയ ആരോഗ്യ കേന്ദ്രങ്ങൾക്ക് സ്വന്തം കെട്ടിടം ഉറപ്പാക്കും മന്ത്രി കെ മുരളീധരൻ 
വധശ്രമവും മോഷണവും സ്ത്രീപീഡനശ്രമവും കോതമംഗലത്ത് കുപ്രസിദ്ധ കുറ്റവാളിയെ കാപ്പ ചുമത്തി ജയിലിലടച്ചു 
ഓടക്കാലി ഹയർസെക്കൻഡറി സ്കൂൾ ഓഡിറ്റോറിയം പൊളിച്ചുനീക്കും 25,000 രൂപ അനുവദിച്ചു 
വോട്ടർപട്ടികയിൽ പേര് ചേർക്കാം ഒക്ടോബർ 15 മുതൽ സംസ്ഥാനത്ത് പ്രത്യേക എൻറോൾമെന്റ് ഡ്രൈവ് വധശ്രമവും മോഷണവും സ്ത്രീപീഡനശ്രമവും കോതമംഗലത്ത് കുപ്രസിദ്ധ കുറ്റവാളിയെ കാപ്പ ചുമത്തി ജയിലിലടച്ചു
കൊലപാതകശ്രമം, മോഷണം, സ്ത്രീപീഡനശ്രമം തുടങ്ങി നിരവധി കേസുകളിൽ പ്രതിയായ കോതമംഗലം സ്വദേശി എബിൻ ടോമിയെ കാപ്പ ചുമത്തി വിയ്യൂർ സെൻട്രൽ ജയിലിലടച്ചു.
Abu TA 
നിരവധി കേസുകളിൽ പ്രതിയായ യുവാവിനെ കാപ്പ ചുമത്തി വിയ്യൂർ ജയിലിലടച്ചു
കോതമംഗലം: കൊലപാതകശ്രമം, തട്ടിയെടുക്കൽ, മോഷണം ഉൾപ്പെടെ നിരവധി കുറ്റകൃത്യങ്ങളിൽ പ്രതിയായ യുവാവിനെ 'കാപ്പ' (KAAPA) നിയമപ്രകാരം കരുതൽ തടങ്കലിൽ വിയ്യൂർ സെൻട്രൽ ജയിലിലടച്ചു. കോതമംഗലം ഇരമല്ലൂർ ചിറപ്പടി പുത്തൻപുരയ്ക്കൽ വീട്ടിൽ എബിൻ ടോമി (28) യെയാണ് അറസ്റ്റ് ചെയ്തത്.
എറണാകുളം റൂറൽ ജില്ലാ പോലീസ് മേധാവി കെ.എസ്. സുദർശൻ സമർപ്പിച്ച റിപ്പോർട്ടിന്റെ അടിസ്ഥാനത്തിൽ ജില്ലാ കളക്ടർ പ്രിയങ്ക ജി. ആണ് കാപ്പ ഉത്തരവിറക്കിയത്.
കോതമംഗലം, പെരുമ്പാവൂർ, വാഴക്കുളം, കോടനാട്, ആലപ്പുഴ നോർത്ത്, തിരുവനന്തപുരം പൂവാർ തുടങ്ങി വിവിധ പോലീസ് സ്റ്റേഷനുകളിൽ ഇയാൾക്കെതിരെ കേസുകൾ നിലവിലുണ്ട്. കൊലപാതകശ്രമം, കൂട്ടക്കവർച്ച, തട്ടിക്കൊണ്ടുപോകൽ, മോഷണം, സ്ത്രീകൾക്കെതിരെയുള്ള കുറ്റകൃത്യങ്ങൾ എന്നിവയുമായി ബന്ധപ്പെട്ടാണ് ഈ കേസുകൾ.
കഴിഞ്ഞ ജൂലൈയിൽ പെരുമ്പാവൂർ കാരാട്ട് പള്ളിക്കര ഭാഗത്ത് ആളില്ലാത്ത വീടിന്റെ പൂട്ട് പൊളിച്ച് അകത്തു കയറി മോഷണത്തിന് ശ്രമിക്കവെ, തിരികെയെത്തിയ സ്ത്രീയെ മാനഭംഗപ്പെടുത്താൻ ശ്രമിച്ച കേസിൽ ഇയാൾ പ്രതിയായിരുന്നു. ഈ സംഭവത്തെത്തുടർന്നാണ് കാപ്പ ചുമത്താനുള്ള നടപടികൾ വേഗത്തിലാക്കിയത്.
കോതമംഗലം സർക്കിൾ ഇൻസ്പെക്ടർ പി.ജെ. കുര്യാക്കോസ്, സ്റ്റേഷൻ ഹൗസ് ഓഫീസർ കെ.എച്ച്. ഹാഷിം, അസിസ്റ്റന്റ് സബ് ഇൻസ്പെക്ടർ ഷിജു കെ. വർഗീസ്, സീനിയർ സിവിൽ പോലീസ് ഓഫീസർ കെ.എൻ. പ്രവീൺ, സിവിൽ പോലീസ് ഓഫീസർമാരായ രാജേഷ് മാത്യു, എം.എം. അജ്മൽ എന്നിവരടങ്ങുന്ന പോലീസ് സംഘമാണ് പ്രതിയെ അറസ്റ്റ് ചെയ്തത്.
