ഓടക്കാലി ഹയർസെക്കൻഡറി സ്കൂൾ ഓഡിറ്റോറിയം പൊളിച്ചുനീക്കും 25,000 രൂപ അനുവദിച്ചു
മഴയിലും കാറ്റിലും തകർന്ന ഓടക്കാലി ഗവ. ഹയർസെക്കൻഡറി സ്കൂൾ ഓഡിറ്റോറിയം അടിയന്തരമായി പൊളിച്ചുനീക്കും. ജില്ലാ ദുരന്തനിവാരണ നിധിയിൽ നിന്ന് 25,000 രൂപ അനുവദിച്ചു. സ്കൂളിന് മൂന്ന് ദിവസം അവധി.
അപകട ഭീഷണി: തകർന്ന് വീണ ഓടക്കാലി സ്കൂൾ ഓഡിറ്റോറിയം അടിയന്തരമായി പൊളിച്ചു നീക്കും; 25,000 രൂപ അനുവദിച്ചു
പെരുമ്പാവൂർ: കാറ്റിലും മഴയിലും തകർന്ന് വീണ് അപകട ഭീഷണിയായി നിൽക്കുന്ന ഓടക്കാലി ഗവ. ഹയർസെക്കൻഡറി സ്കൂളിലെ ഓഡിറ്റോറിയം അടിയന്തരമായി പൊളിച്ചു നീക്കാൻ തീരുമാനം. ഇതിനായി ജില്ലാ ദുരന്തനിവാരണ നിധിയിൽ നിന്ന് 25,000 രൂപ അനുവദിച്ചതായി ജില്ലാ പഞ്ചായത്ത് പ്രസിഡന്റ് കെ.ജി. രാധാകൃഷ്ണൻ അറിയിച്ചു.
തകർന്ന കെട്ടിടം സന്ദർശിച്ച ശേഷം സംസാരിക്കുകയായിരുന്നു അദ്ദേഹം. പൊളിച്ചു നീക്കലിന് കൂടുതൽ തുക ആവശ്യമായി വന്നാൽ അത് ജില്ലാ പഞ്ചായത്ത് ഫണ്ടിൽ നിന്ന് അനുവദിക്കുമെന്നും അദ്ദേഹം പറഞ്ഞു.
വിദ്യാർഥികളുടെ സുരക്ഷ മുൻനിർത്തി സുരക്ഷാ ക്രമീകരണങ്ങൾ ഒരുക്കിയ ശേഷം യന്ത്രസാമഗ്രികളുടെ സഹായത്തോടെ ഓഡിറ്റോറിയത്തിന്റെ തകർന്ന ഭാഗങ്ങൾക്കൊപ്പം ഇരുമ്പ് പൈപ്പുകളും ഷീറ്റുകളും ഉൾപ്പെടെ മുറിച്ച് മാറ്റുന്ന നടപടികൾ ഇന്ന് തുടങ്ങും.
ജില്ലാ പഞ്ചായത്ത് അംഗം മുബാസ് ഓടക്കാലി, വിദ്യാഭ്യാസ ഡെപ്യൂട്ടി ഡയറക്ടർ സുബിൻ പോൾ, എക്സിക്യൂട്ടീവ് എഞ്ചിനീയർ സാറാ സൂര്യ ജോർജ്, അസിസ്റ്റന്റ് എക്സിക്യൂട്ടീവ് എഞ്ചിനീയർ ഗീത സുബ്രൻ തുടങ്ങിയവർ പ്രസിഡന്റിനൊപ്പം സ്കൂളിലെത്തി സ്ഥിതിഗതികൾ വിലയിരുത്തി.
ബുധൻ രാവിലെ ചേർന്ന ജില്ല ദുരന്തനിവാരണ സമിതി യോഗത്തിൽ മനോജ് മൂത്തേടൻ എംഎൽഎ,ജില്ലാ പഞ്ചായത്ത് പ്രസിഡൻറ് കെ ജി രാധാകൃഷ്ണൻ, ജില്ലാ കളക്ടർ ജി പ്രിയങ്ക ഐഎഎസ് , മറ്റ് വിവിധ ഉദ്യോഗസ്ഥനും പങ്കെടുത്തിരുന്നു. അപകടത്തെ തുടർന്ന് മൂന്നുദിവസത്തേക്ക് സ്കൂളിന് അവധി നൽകിയിരുന്നു. അടിയന്തരമായി പൊളിഞ്ഞ അവശിഷ്ടങ്ങൾ സുരക്ഷിതമായി മാറ്റുവാൻ ആണ് തീരുമാനം.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
