വിവരാവകാശ അപേക്ഷകളിൽ മറുപടി വൈകിയാൽ രേഖകൾ സൗജന്യമായി നൽകണം കമ്മീഷണർ അഡ്വ. ടി.കെ. രാമകൃഷ്ണൻ
വിവരാവകാശ അപേക്ഷകൾക്ക് നിശ്ചിത സമയത്തിനുള്ളിൽ മറുപടി നൽകുകയോ ഫീസ് വിവരം അറിയിക്കുകയോ ചെയ്തില്ലെങ്കിൽ രേഖകൾ സൗജന്യമായി നൽകണമെന്ന് സംസ്ഥാന വിവരാവകാശ കമ്മീഷണർ അഡ്വ. ടി.കെ. രാമകൃഷ്ണൻ
വിവരാവകാശ അപേക്ഷകൾക്ക് സമയബന്ധിതമായി മറുപടി നൽകിയില്ലെങ്കിൽ രേഖകൾ സൗജന്യമായി നൽകണം വിവരാവകാശ കമ്മീഷണർ ഹിയറിങ്ങിൽ 20 അപ്പീൽ ഹർജികൾ തീർപ്പാക്കി
കോഴിക്കോട് : വിവരാവകാശ അപേക്ഷകൾക്ക് സമയബന്ധിതമായി മറുപടി നൽകിയില്ലെങ്കിൽ പിന്നീട് രേഖകളുടെ പകർപ്പുകൾ സൗജന്യമായി നൽകണമെന്ന് സംസ്ഥാന വിവരാവകാശ കമ്മീഷണർ അഡ്വ. ടി.കെ. രാമകൃഷ്ണൻ പറഞ്ഞു. കോഴിക്കോട് കളക്ടറേറ്റ് കോൺഫറൻസ് ഹാളിൽ നടന്ന ജില്ലാതല ഹിയറിങ്ങിനു ശേഷം സംസാരിക്കുകയായിരുന്നു അദ്ദേഹം. ഹിയറിങ്ങിൽ 20 അപ്പീൽ ഹർജികൾ തീർപ്പാക്കി. വിവരാവകാശ അപേക്ഷയിൽ ആവശ്യപ്പെട്ടിരിക്കുന്ന രേഖകളുടെ പകർപ്പിന് ഫീസ് അടയ്ക്കാൻ ഉണ്ടെങ്കിൽ അക്കാര്യം നിശ്ചിത സമയത്തിനുള്ളിൽ തന്നെ അപേക്ഷകരെ അറിയിക്കേണ്ടതാണ്. ഇപ്രകാരം അറിയിക്കാതിരുന്നാൽ രേഖകൾ മുഴുവൻ സൗജന്യമായി നൽകണമെന്നും കമ്മീഷണർ നിർദേശിച്ചു.
വിവരാവകാശ അപേക്ഷയ്ക്ക് മാത്രമേ അപേക്ഷ ഫീസ് നൽകേണ്ടതുള്ളു. അപ്പീൽ അപേക്ഷകൾക്ക് ഫീസ് നൽകേണ്ടതില്ലെന്നും കമ്മീഷണർ പറഞ്ഞു. മറുപടിയിൽ വിവരത്തോടൊപ്പം ആവശ്യമായ മറ്റ് കാര്യങ്ങളും ഉൾപ്പെടുത്തേണ്ടതാണ്. അപേക്ഷ ലഭിച്ച തീയതി, മറുപടി നൽകുന്ന തീയതി, മറുപടി നൽകുന്ന ഉദ്യോഗസ്ഥന്റെ പേര്, ഉദ്യോഗപേര്, വിവരാവകാശ ഓഫീസർ എന്ന സ്ഥാനപ്പേര്, ഉദ്യോഗസ്ഥൻ്റെ ഒപ്പ്, പെൻ നമ്പർ, ഓഫീസ് മുദ്ര, ഫോൺ നമ്പർ, ഇമെയിൽ വിലാസം, എന്നിവയും പകർപ്പുകൾക്ക് ഫീസ് അടയ്ക്കാൻ ഉണ്ടെങ്കിൽ ഒരു പേജിന് എത്ര രൂപയാണെന്നും അകെ എത്ര പേജുകൾ ഉണ്ടെന്നും എത്ര തുക അടയ്ക്കണമെന്നും വ്യക്തമായിരിക്കണം. കൂടാതെ തുക അടയ്ക്കേണ്ടുന്ന ഹെഡ് ഓഫ് അക്കൗണ്ടും മറുപടിയിൽ കാണിച്ചിരിക്കണം. മറുപടിയിൽ അപ്പീൽ നൽകാനുള്ള അപ്പീൽ അധികാരിയുടെ വിലാസവും അപ്പീൽ കാലാവധിയും രേഖപ്പെടുത്തേണ്ടതുമാണ്.
വിവരാവകാശ നിയമം വകുപ്പ് നാല് പ്രകാരം ഉദ്യോഗസ്ഥർ സ്വമേധയാ വെളിപ്പെടുത്തേണ്ട വിവരങ്ങൾ അപ്രകാരം ചെയ്യേണ്ടതാണെന്നും വെബ്സൈറ്റ് കാലോചിതമായി പരിഷ്കരിച്ച് വിവരങ്ങൾ ചേർക്കണമെന്നും കമ്മീഷണർ പറഞ്ഞു. വിവരാവകാശ നിയമത്തെ ദുരുപയോഗം ചെയ്യാൻ അനുവദിക്കില്ലെന്നും കമ്മീഷണർ വ്യക്തമാക്കി.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
