വനിതകളെ ചേർത്തുപിടിക്കുന്ന സർക്കാരാണ് നമ്മുടേത് മന്ത്രി ബിന്ദു കൃഷ്ണ
അടിമാലിയിൽ കുടുംബശ്രീ അയൽക്കൂട്ട അംഗങ്ങൾക്കുള്ള 3 കോടി രൂപയുടെ വായ്പ വിതരണം മന്ത്രി ബിന്ദു കൃഷ്ണ ഉദ്ഘാടനം ചെയ്തു. 301 വനിതകൾക്ക് പദ്ധതിയുടെ പ്രയോജനം ലഭിക്കും.
വനിതകളെ ചേർത്തുപിടിക്കുന്ന സർക്കാരാണ് നമ്മുടേത് മന്ത്രി ബിന്ദു കൃഷ്ണ
അടിമാലി: കുടുംബശ്രീ പ്രവർത്തനങ്ങളിലൂടെ സാധാരണക്കാരായ സ്ത്രീകളെ സമൂഹത്തിന്റെ മുഖ്യധാരയിലേക്ക് എത്തിക്കുകയാണ് സർക്കാരിന്റെ ലക്ഷ്യമെന്ന് വനിതാ ശിശുവികസന, ക്ഷീരവികസന, മൃഗസംരക്ഷണ വകുപ്പ് മന്ത്രി ബിന്ദു കൃഷ്ണ പറഞ്ഞു. വനിതകളെ ചേർത്തുപിടിക്കുന്ന സമീപനമാണ് സർക്കാരിന്റേതെന്നും മന്ത്രി വ്യക്തമാക്കി. കുടുംബശ്രീ അടിമാലി സിഡിഎസ് അയൽക്കൂട്ട അംഗങ്ങൾക്കുള്ള വായ്പ വിതരണ പദ്ധതിയുടെ ഉദ്ഘാടനം നിർവഹിച്ചു സംസാരിക്കുകയായിരുന്നു അവർ.
പിന്നാക്ക വികസന കോർപ്പറേഷൻ വഴിയാണ് അടിമാലി പഞ്ചായത്തിലെ കുടുംബശ്രീ അംഗങ്ങൾക്കായി മൂന്നു കോടി രൂപയുടെ വായ്പ അനുവദിച്ചത്. പഞ്ചായത്തിലെ 27 അയൽക്കൂട്ടങ്ങളിലായി 301 വനിതകൾക്ക് ഈ വായ്പാ പദ്ധതിയുടെ ആനുകൂല്യം ലഭിക്കും.
ചടങ്ങിൽ എ. രാജ എംഎൽഎ അധ്യക്ഷത വഹിച്ചു. അഡ്വ. ഡീൻ കുര്യാക്കോസ് എംപി മുഖ്യപ്രഭാഷണം നടത്തി. ചടങ്ങിന്റെ ഭാഗമായി കുടുംബശ്രീയുടെ 'ജീവൻ ദീപം ഒരുമ' ഇൻഷുറൻസ് രേഖകളുടെ വിതരണവും അടിമാലി ഗ്രാമപഞ്ചായത്തിന്റെ ദുരിതാശ്വാസ ഫണ്ടിലേക്കുള്ള സംഭാവന ഏറ്റുവാങ്ങലും നിർവഹിച്ചു.
ജില്ലാ പഞ്ചായത്ത് വൈസ് പ്രസിഡന്റ് ടി. എസ്. സിദ്ദിഖ്, അടിമാലി ഗ്രാമപഞ്ചായത്ത് പ്രസിഡന്റ് ബാബു പി. കുര്യാക്കോസ്, ബ്ലോക്ക് പഞ്ചായത്ത് പ്രസിഡന്റ് മോഹനൻ നായർ, സിഡിഎസ് ചെയർപേഴ്സൺ ജോളി സജീവൻ, ഡിസിസി പ്രസിഡന്റ് സി. പി. മാത്യു എന്നിവർക്കൊപ്പം വിവിധ ത്രിതല പഞ്ചായത്ത് അംഗങ്ങളും കുടുംബശ്രീ ഭാരവാഹികളും രാഷ്ട്രീയ പ്രതിനിധികളും ചടങ്ങിൽ പങ്കെടുത്തു.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
