ശുചിത്വ കേരളത്തിനായി കൈകോർത്ത് വയനാട്
സ്വച്ഛതാ ഹി സേവ 2026, നിര്മലം പുതുയുഗ ശുചിത്വ കേരളം ക്യാമ്പയിന്റെ ഭാഗമായി കൽപറ്റ നഗരസഭയുടെ നേതൃത്വത്തിൽ വിപുലമായ ശുചിത്വ റാലിയും ബൈപ്പാസ് റോഡ് കേന്ദ്രീകരിച്ച് മെഗാ ക്ലീനിങ് ഡ്രൈവും സംഘടിപ്പിച്ചു.
ഗാന്ധിജയന്തി ദിനത്തിൽ വയനാട്ടിൽ ശുചിത്വ സന്ദേശ റാലിയും മെഗാ ക്ലീനിങ് ഡ്രൈവും സംഘടിപ്പിച്ചു
കൽപറ്റ: ഗാന്ധിജയന്തി ദിനത്തോടനുബന്ധിച്ച് കൽപറ്റ നഗരസഭയുടെ നേതൃത്വത്തിൽ വിപുലമായ ശുചിത്വ സന്ദേശ റാലിയും മെഗാ ക്ലീനിങ് ഡ്രൈവും സംഘടിപ്പിച്ചു. 'സ്വച്ഛതാ ഹി സേവ 2026', 'നിർമലം പുതുയുഗ ശുചിത്വ കേരളം' എന്നീ ക്യാമ്പയിനുകളുടെ ഭാഗമായാണ് പരിപാടി നടത്തിയത്.
നഗരസഭാ പരിസരത്ത് നിന്ന് ആരംഭിച്ച ശുചിത്വ സന്ദേശ റാലിയും മെഗാ ക്ലീനിങ് ഡ്രൈവും കൽപറ്റ നഗരസഭ അധ്യക്ഷൻ പി. വിശ്വനാഥൻ ഉദ്ഘാടനം ചെയ്തു. നഗരസഭയിൽ നിന്ന് ആരംഭിച്ച റാലി കൽപറ്റ ട്രാഫിക് ജങ്ഷനിൽ സമാപിച്ചു. തുടർന്ന് ക്യാമ്പയിന്റെ ഭാഗമായി കൽപറ്റ ബൈപ്പാസ് റോഡ് കേന്ദ്രീകരിച്ച് ജനകീയ ശുചീകരണ പ്രവർത്തനങ്ങൾ നടന്നു.
ചടങ്ങിൽ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ മുഹമ്മദ് റാഫിൽ, നഗരസഭാ സ്വച്ഛ് അംബാസിഡറും സിനിമാ താരവുമായ അബു സലീം, മറ്റ് സ്റ്റാൻഡിങ് കമ്മിറ്റി ചെയർപേഴ്സൺമാർ, കൗൺസിലർമാർ, നഗരസഭാ ജീവനക്കാർ എന്നിവർ പങ്കെടുത്തു. കൂടാതെ, എസ്.കെ.എം.ജെ. സ്കൂൾ എൻ.സി.സി. കേഡറ്റുകൾ, ഫാത്തിമ മാതാ കോളേജ് വിദ്യാർത്ഥികൾ, ഹരിതകർമ്മ സേനാംഗങ്ങൾ, ശുചീകരണ തൊഴിലാളികൾ, വിവിധ സംഘടനാ പ്രതിനിധികൾ എന്നിവരും ശുചിത്വ യജ്ഞത്തിൽ സജീവമായി പങ്കാളികളായി.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
