അമ്മ യിൽ നിന്ന് അൻസിബ ഹസൻ രാജിവെച്ചു രാജി അംഗീകരിച്ചതായി ശ്വേത മേനോൻ
താരസംഘടനയായ അമ്മ യുടെ ജോയിന്റ് സെക്രട്ടറി അൻസിബ ഹസൻ രാജിവെച്ചു. തിരക്കുകൾ മൂലമാണ് രാജിയെന്ന് പ്രസിഡന്റ് ശ്വേത മേനോൻ അറിയിച്ചു.
Rajeev
8
'അമ്മ'യിൽ നിന്ന് അൻസിബ ഹസൻ രാജി വെച്ചു; രാജി അംഗീകരിച്ചതായി പ്രസിഡന്റ് ശ്വേത മേനോൻ
കൊച്ചി: മലയാള സിനിമയിലെ അഭിനേതാക്കളുടെ സംഘടനയായ 'അമ്മ'യുടെ (A.M.M.A) ജോയിന്റ് സെക്രട്ടറി സ്ഥാനത്ത് നിന്ന് നടി അൻസിബ ഹസൻ രാജി വെച്ചു. വ്യക്തിപരമായ കാരണങ്ങളാലും തൊഴിൽപരമായ തിരക്കുകൾ മൂലവുമാണ് താരം സ്ഥാനമൊഴിഞ്ഞതെന്ന് 'അമ്മ' പ്രസിഡന്റ് ശ്വേത മേനോൻ വ്യക്തമാക്കി. കൊച്ചിയിൽ ചേർന്ന എക്സിക്യൂട്ടീവ് കമ്മിറ്റി യോഗത്തിന് ശേഷമാണ് സംഘടന ഔദ്യോഗിക വിശദീകരണം നൽകിയത്.
ഫെബ്രുവരി 21-ന് തന്നെ അൻസിബ രാജിക്കത്ത് നൽകിയിരുന്നു. സംഘടനയുടെ പ്രവർത്തനങ്ങൾക്കായി ആവശ്യത്തിന് സമയം കണ്ടെത്താൻ സാധിക്കാത്ത സാഹചര്യത്തിൽ മെമ്പറായി തുടരുന്നത് ഉചിതമല്ലെന്ന നിലപാടിലായിരുന്നു താരം. ഇന്ന് നടന്ന യോഗത്തിൽ അൻസിബയുമായി സംസാരിച്ച ശേഷമാണ് രാജി അംഗീകരിച്ചതെന്ന് ശ്വേത മേനോൻ പറഞ്ഞു.
ശ്വേത മേനോൻ പ്രസിഡന്റായി ചുമതലയേറ്റ ഭരണസമിതിയിൽ എതിരില്ലാതെ തിരഞ്ഞെടുക്കപ്പെട്ട ഏക സ്ഥാനാർത്ഥിയായിരുന്നു അൻസിബ ഹസൻ. നിലവിൽ നടി കുക്കു പരമേശ്വരനാണ് സംഘടനയുടെ ജനറൽ സെക്രട്ടറി.
അടുത്തിടെ സംഘടനയിലെ ഒരു ഓഫീസ് സ്റ്റാഫ് ട്രഷറർ ഉണ്ണി ശിവപാലിനെതിരെ തൊഴിൽപരമായ പീഡന ആരോപണം ഉന്നയിച്ചിരുന്നു. ഈ വിഷയം ജനറൽ ബോഡി ചർച്ച ചെയ്തതായും അന്വേഷണത്തിന്റെ ഭാഗമായി ഉണ്ണി ശിവപാലിനെ നിർബന്ധിത അവധിയിൽ പ്രവേശിപ്പിച്ചതായും ശ്വേത മേനോൻ അറിയിച്ചു. വിവാദങ്ങൾക്കിടയിൽ അൻസിബയെപ്പോലൊരു യുവതാരം സ്ഥാനമൊഴിയുന്നത് ചർച്ചകൾക്ക് വഴിവെച്ചിട്ടുണ്ട്.
