ജനസാഗരമായി എൻ. അരുണിന്റെ പര്യടനം മൂവാറ്റുപുഴയിൽ ആവേശമുയർത്തി ഇടതുമുന്നണി
മൂവാറ്റുപുഴ നിയോജക മണ്ഡലത്തിലെ എൽ.ഡി.എഫ് സ്ഥാനാർത്ഥി എൻ. അരുണിന്റെ തിരഞ്ഞെടുപ്പ് പര്യടനം ആവേശകരമായി തുടരുന്നു.
Angel Varghese 
ജനസാഗരമായി എൻ. അരുണിന്റെ പര്യടനം; മൂവാറ്റുപുഴയിൽ ആവേശമുയർത്തി ഇടതുമുന്നണി
മൂവാറ്റുപുഴ: ആവേശോജ്ജ്വലമായ സ്വീകരണമേറ്റുവാങ്ങി ഇടതുപക്ഷ ജനാധിപത്യ മുന്നണി സ്ഥാനാർത്ഥി എൻ. അരുണിന്റെ മൂവാറ്റുപുഴ നിയോജക മണ്ഡലം പര്യടനം തുടരുന്നു. പര്യടനം കടന്നുപോകുന്ന ഓരോ കേന്ദ്രങ്ങളിലും നൂറുകണക്കിന് പ്രവർത്തകരും പൊതുജനങ്ങളുമാണ് സ്ഥാനാർത്ഥിയെ സ്വീകരിക്കാൻ എത്തുന്നത്. വികസനത്തുടർച്ചയും മണ്ഡലത്തിന്റെ സമഗ്ര പുരോഗതിയും മുൻനിർത്തിയാണ് എൻ. അരുൺ ജനവിധി തേടുന്നത്.
രാവിലെ നിശ്ചയിച്ച കേന്ദ്രങ്ങളിൽ നിന്ന് ആരംഭിച്ച പര്യടനത്തിൽ മുതിർന്നവർ മുതൽ കൊച്ചു കുട്ടികൾ വരെ സ്ഥാനാർത്ഥിയെ നേരിൽ കാണാൻ കാത്തുനിന്നു. കാർഷിക മേഖലയുടെ പ്രശ്നങ്ങൾ പരിഹരിക്കുമെന്നും മണ്ഡലത്തിലെ അടിസ്ഥാന സൗകര്യ വികസനം യുദ്ധകാലാടിസ്ഥാനത്തിൽ പൂർത്തിയാക്കുമെന്നും പര്യടനത്തിനിടെ നൽകിയ സ്വീകരണങ്ങൾക്ക് മറുപടിയായി എൻ. അരുൺ പറഞ്ഞു.
പ്രാദേശിക നേതാക്കളും മുന്നണി പ്രവർത്തകരും സ്ഥാനാർത്ഥിക്കൊപ്പം പര്യടനത്തിൽ ഉടനീളം അണിനിരക്കുന്നുണ്ട്. വരും ദിവസങ്ങളിൽ മണ്ഡലത്തിലെ കൂടുതൽ പഞ്ചായത്തുകളിലും നഗരസഭാ വാർഡുകളിലും പര്യടനം തുടരും. വോട്ടർമാരുടെ ഹൃദയങ്ങളിൽ ഇടംപിടിച്ച മുന്നേറ്റമാണ് മണ്ഡലത്തിൽ എൽ.ഡി.എഫ് കാഴ്ചവെക്കുന്നത്.
