പെരുമ്പാവൂരിൽ ആധുനിക പോലീസ് ബാഡ്മിന്റൺ കോർട്ട് ജില്ലാ പോലീസ് മേധാവി കെ.എസ്. സുദർശൻ ഉദ്ഘാടനം ചെയ്തു
പെരുമ്പാവൂർ കാഞ്ഞിരക്കാട് ആധുനിക സൗകര്യങ്ങളോടെ നിർമ്മിക്കുന്ന പോലീസ് ബാഡ്മിന്റൺ കോർട്ടിന്റെ നിർമ്മാണോദ്ഘാടനം ജില്ലാ പോലീസ് മേധാവി കെ.എസ്. സുദർശൻ നിർവ്വഹിച്ചു. കാഞ്ഞിരക്കാട് പോലീസ് കാന്റീന് സമീപമാണ് പുതിയ കോർട്ട് ഒരുങ്ങുന്നത്.
Angel Varghese 
കാഞ്ഞിരക്കാട് ആധുനിക പോലീസ് ബാഡ്മിന്റൺ കോർട്ടിന്റെ നിർമ്മാണത്തിന് തുടക്കമായി; ഉദ്ഘാടനം ജില്ലാ പോലീസ് മേധാവി നിർവ്വഹിച്ചു
പെരുമ്പാവൂർ: പെരുമ്പാവൂർ കാഞ്ഞിരക്കാട് ആധുനിക സൗകര്യങ്ങളോടുകൂടിയ പോലീസ് ബാഡ്മിന്റൺ കോർട്ടിന്റെ നിർമ്മാണ പ്രവർത്തനങ്ങൾക്ക് തുടക്കമായി. നിർമ്മാണ പ്രവർത്തനങ്ങളുടെ ഉദ്ഘാടനം ജില്ലാ പോലീസ് മേധാവി കെ.എസ്. സുദർശൻ നിർവ്വഹിച്ചു.
കാഞ്ഞിരക്കാട് പോലീസ് കാന്റീന് സമീപമാണ് പുതിയ ബാഡ്മിന്റൺ കോർട്ട് നിർമ്മിക്കുന്നത്. കായികക്ഷമതയും വിനോദവും മുൻനിർത്തി തയ്യാറാക്കുന്ന ഈ ആധുനിക കോർട്ടിൽ ഒരേ സമയം രണ്ട് ഡബിൾസ് ടീമുകൾക്ക് മത്സരിക്കാനുള്ള സൗകര്യങ്ങളുണ്ടാകും.
ചടങ്ങിൽ പെരുമ്പാവൂർ എ.എസ്.പി. ഹാർദ്ദിക്ക് മീണ, അഡീഷണൽ എസ്.പി. ടി.ബി. വിജയൻ, അഡ്മിനിസ്ട്രേറ്റീവ് അസിസ്റ്റന്റ് വിനോദ് വി. മാത്യു, പെരുമ്പാവൂർ സ്റ്റേഷൻ ഹൗസ് ഓഫീസർ അരുൺ ദേവ് തുടങ്ങിയവർ സംസാരിച്ചു.
