സിവിൽ എൻജിനീയറിംഗ് ബിരുദധാരികൾക്ക് അവസരം പട്ടികജാതി വികസന വകുപ്പിൽ പരിശീലന പദ്ധതി 
ആദിവാസി കുരുന്നുകൾക്ക് ഇനി പോഷകാമൃതം കരുതലായി എറണാകുളം ജില്ലാ പഞ്ചായത്ത്‌ 
ഗാന്ധിയൻ ദർശനങ്ങൾ ഇന്നും ലോകത്തിന് വഴികാട്ടി ബെന്നി ബഹനാൻ എം.പി. 
താനൂർ ദുരന്തം ഉണർത്തിയ ആശയം ദേശീയ തലത്തിൽ മിന്നിത്തിളങ്ങി സായ് കൃഷ്ണ 
സംസ്ഥാന സ്കൂൾ കായികമേള കുടിവെള്ള വിതരണത്തിനായി തണ്ണീർക്കുടങ്ങൾ സജ്ജമാക്കി വെൽഫെയർ കമ്മിറ്റി സംസ്ഥാന സ്കൂൾ കായികമേള കുടിവെള്ള വിതരണത്തിനായി തണ്ണീർക്കുടങ്ങൾ സജ്ജമാക്കി വെൽഫെയർ കമ്മിറ്റി
ഒക്ടോബർ 25 മുതൽ 31 വരെ ചാത്തമംഗലം NIT ഗ്രൗണ്ടിൽ നടക്കുന്ന 68 ാമത് സംസ്ഥാന സ്കൂൾ കായികമേളയ്ക്കായി തണ്ണീർക്കുടങ്ങൾ സ്ഥാപിച്ച് കുടിവെള്ള വിതരണത്തിന് കെ.കെ. രമ എം.എൽ.എ. തുടക്കമിട്ടു.
Angel Varghese 
സംസ്ഥാന കായികമേള തണ്ണീർക്കുട ജലവിതരണത്തിന് തുടക്കമിട്ട് വെൽഫെയർ കമ്മിറ്റി
കോഴിക്കോട് : ഒക്ടോബർ 25 മുതൽ 31 വരെ ചാത്തമംഗലം എൻ.ഐ.ടി. ഗ്രൗണ്ടിൽ നടക്കുന്ന 68-ാമത് സംസ്ഥാന സ്കൂൾ കായികമേളയോടനുബന്ധിച്ച് കുടിവെള്ള വിതരണത്തിനായി വെൽഫെയർ കമ്മിറ്റിയുടെ നേതൃത്വത്തിൽ തണ്ണീർക്കുടങ്ങൾ സ്ഥാപിച്ചു. എൻ.ഐ.ടി. ഗ്രൗണ്ടിന് സമീപമുള്ള സ്വാഗതസംഘം ഓഫീസിൽ ക്രമീകരിച്ച ആദ്യ തണ്ണീർക്കുടത്തിൽ നിന്നുള്ള ജലവിതരണത്തിന്റെ ഉദ്ഘാടനം വെൽഫെയർ കമ്മിറ്റി ചെയർപേഴ്സൺ കൂടിയായ കെ.കെ. രമ എം.എൽ.എ. നിർവഹിച്ചു.
പൂർണ്ണമായും ഗ്രീൻ പ്രോട്ടോക്കോൾ പാലിച്ചാണ് കുടിവെള്ള വിതരണം നടത്തുന്നത്. പ്ലാസ്റ്റിക് ഉപയോഗത്തിനെതിരെയുള്ള സന്ദേശം പുതുതലമുറയിലേക്ക് എത്തിക്കുന്നതിനൊപ്പം പരമ്പരാഗത രീതിയിൽ ശുദ്ധമായ തണുത്ത വെള്ളം ലഭ്യമാക്കുക എന്ന ലക്ഷ്യവും ഇതിനുപിന്നിലുണ്ടെന്ന് എം.എൽ.എ. വ്യക്തമാക്കി.
ചടങ്ങിൽ ചാത്തമംഗലം ഗ്രാമപഞ്ചായത്ത് വൈസ് പ്രസിഡന്റ് എം.കെ. അനീഷ്, ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സലിം കുന്നത്ത്, കമ്മിറ്റി വൈസ് ചെയർപേഴ്സൺമാരായ ടി.എം. ജോസഫ്, റോയ് മുരിക്കോലി, വെൽഫെയർ കമ്മിറ്റി കൺവീനർ കെ.എം.എ. നാസർ, ജോയിന്റ് കൺവീനർമാരായ മുഹമ്മദ് അസ്‌ലം, എബി ദേവസ്യ, പഞ്ചായത്ത്‌ അംഗങ്ങളായ വി.പി. പുഷ്പവേണി, അജിത ആണിയംവീട്ടിൽ, ഫൗസിയ മുഹമ്മദ്, അൻഷിദ, സുബൈദ പുതിയാടം, രാജേന്ദ്രൻ മാസ്റ്റർ, ഡോ. ജോസ് ജോൺ തുടങ്ങിയവർ പങ്കെടുത്തു.
