തിരുവല്ല പുളിക്കീഴിൽ ബസും ലോറിയും കൂട്ടിയിടിച്ച് അപകടം ഡ്രൈവർ മരിച്ചു, 24 പേർക്ക് പരുക്ക്
തിരുവല്ല കായംകുളം സംസ്ഥാന പാതയിലെ പുളിക്കീഴിൽ ബസും ലോറിയും കൂട്ടിയിടിച്ച് ലോറി ഡ്രൈവർ മരിച്ചു. അപകടത്തിൽ 24 ബസ് യാത്രക്കാർക്ക് പരുക്കേറ്റു.
Rajeev
8
തിരുവല്ലയിൽ ബസും ലോറിയും കൂട്ടിയിടിച്ച് അപകടം: ലോറി ഡ്രൈവർ മരിച്ചു; 24 യാത്രക്കാർക്ക് പരുക്ക്
തിരുവല്ല: തിരുവല്ല-കായംകുളം സംസ്ഥാന പാതയിൽ പുളിക്കീഴിൽ കെ.എസ്.ആർ.ടി.സി ബസും ലോറിയും കൂട്ടിയിടിച്ച് ലോറി ഡ്രൈവർ മരിച്ചു. കോട്ടയം കുറിച്ചി സ്വദേശി സന്ദീപ് (30) ആണ് മരിച്ചത്. അപകടത്തിൽ ബസ് യാത്രക്കാരായ 24 പേർക്ക് പരുക്കേറ്റു.
വെള്ളിയാഴ്ച ഉച്ചയ്ക്ക് 12.30-ഓടെയായിരുന്നു അപകടം. ലോറിയുടെ കാബിനുള്ളിൽ കുടുങ്ങിയ സന്ദീപിനെ ഫയർഫോഴ്സും നാട്ടുകാരും ചേർന്ന് കാബിൻ വെട്ടിപ്പൊളിച്ചാണ് പുറത്തെടുത്തത്. ഉടൻ തന്നെ തിരുവല്ല പുഷ്പഗിരി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
പരുക്കേറ്റ 24 യാത്രക്കാരിൽ 21 പേരെ പുഷ്പഗിരി ആശുപത്രിയിലും 3 പേരെ തിരുവല്ല താലൂക്ക് ആശുപത്രിയിലും പ്രവേശിപ്പിച്ചു. ആരുടെയും പരുക്ക് ഗുരുതരമല്ലെന്നാണ് പ്രാഥമിക വിവരം. അപകടത്തെത്തുടർന്ന് സംസ്ഥാന പാതയിൽ ഏറെ നേരം ഗതാഗതം തടസ്സപ്പെട്ടു. പൊലീസെത്തി അപകടത്തിൽപ്പെട്ട വാഹനങ്ങൾ നീക്കം ചെയ്ത ശേഷമാണ് ഗതാഗതം പുനഃസ്ഥാപിച്ചത്.
