വ്യായാമം ശീലമാക്കാം, ലഹരിയെ അകറ്റാം പറവൂരിൽ ഓപ്പൺ ജിമുകൾ തുറന്നു
വ്യായാമം ജീവിതത്തിന്റെ ഒരു സംസ്കാരമായി വളർത്തണമെന്ന് മുഖ്യമന്ത്രി വി ഡി സതീശൻ. കൊച്ചിൻ ഷിപ്പ്യാർഡിന്റെ സി.എസ്.ആർ ഫണ്ട് ഉപയോഗിച്ച് പറവൂർ നഗരസഭയിൽ നിർമ്മിച്ച ഓപ്പൺ ജിം ഉദ്ഘാടനം ചെയ്തു
ആരോഗ്യ സംരക്ഷണ സംസ്കാരം വളർത്തണം: മുഖ്യമന്ത്രി വി ഡി സതീശൻ
പറവൂർ : ആരോഗ്യ കാര്യങ്ങളിൽ എല്ലാവരും ശ്രദ്ധ പുലർത്തണമെന്നും വ്യായാമം ഒരു സംസ്കാരമായി വളർത്തണമെന്നും മുഖ്യമന്ത്രി വി ഡി സതീശൻ പറഞ്ഞു. ഹൈബി ഈഡൻ എംപി യുടെ ഇടപെടലിൽ കൊച്ചിൻ ഷിപ്പ് യാർഡിന്റെ സി എസ് ആർ ഫണ്ട് ഉപയോഗിച്ച് നിർമ്മിച്ച ഓപ്പൺ ജിം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഷിപ്പ് യാർഡിന്റെ സി എസ് ആർ ഫണ്ട് ഉപയോഗിച്ച് പറവൂർ നഗരസഭയിൽ നാലിടങ്ങളിൽ ഓപ്പൺ ജിമുകൾ സ്ഥാപിക്കുന്നുണ്ട്. ഇവ എല്ലാവരും പ്രയോജനപ്പെടുത്തണം. വിദ്യാർത്ഥികളും യുവജനങ്ങളും വ്യായാമത്തിനും ആരോഗ്യ സംരക്ഷണത്തിനും അല്പസമയം മാറ്റിവയ്ക്കേണ്ടതും ഇത്തരം ഓപ്പൺ ജിമുകൾ പ്രയോജനപ്പെടുത്തേണ്ടതുമാണ്. ആരോഗ്യ കാര്യങ്ങളിൽ ശ്രദ്ധിച്ചാൽ ഡ്രഗ്സ് പോലുള്ള മറ്റു ദുശീലങ്ങളിലേക്ക് ആരും ആകർഷിക്കപ്പെടില്ല. മുതിർന്ന ആളുകളുടെ ആരോഗ്യ സംരക്ഷണത്തിനും വ്യായാമത്തിനും ഈ ഓപ്പൺ ജിമുകൾ പ്രയോജനപ്പെടുത്താവുന്നതാണെന്നും മുഖ്യമന്ത്രി പറഞ്ഞു.
ഹൈബി ഈഡൻ എംപി, പറവൂർ നഗരസഭ ചെയർ പേഴ്സൺ രമേശ് ഡി കുറുപ്പ്, വിവിധ സ്റ്റാൻഡിങ് കമ്മിറ്റി ചെയർപേഴ്സൺ മാരായ ലൈജി ബിജു, ജോബി പഞ്ഞിക്കാരൻ, സജി നമ്പിയത്ത്, ജയ ദേവാനന്ദൻ, ഹരിദാസൻ കെ ജി, ഷിപ് യാർഡ് സിഎസ്ആർ പ്രതിനിധി തുടങ്ങിയവർ സംബന്ധിച്ചു.
പൾസ് പോളിയോ ദിനാചരണം എറണാകുളം ജില്ലയിൽ 1.61 ലക്ഷം കുട്ടികൾക്ക് തുള്ളിമരുന്ന് നൽകും
കുഞ്ഞുങ്ങൾക്കായുള്ള സൗജന്യ ചികിത്സാ കൂട്ടായ്മകൾ മാതൃകാപരം മുഖ്യമന്ത്രി വി ഡി സതീശൻ
കൊലക്കേസ് പ്രതിയെ കാപ്പ ചുമത്തി വിയ്യൂർ ജയിലിൽ അടച്ചു നടപടി ജാമ്യത്തിലിറങ്ങി വീണ്ടും കവർച്ച നടത്തിയതോടെ
പ്രതിസന്ധികൾ മറികടന്ന് കബഡിയിൽ സ്വർണം നേടി അട്ടപ്പാടിയിലെ പെൺപട
സൗന്ദര്യവർദ്ധക ക്രീം ഉപയോഗിച്ച 17 കാരിക്ക് വൃക്കരോഗം ബാലാവകാശ കമ്മിഷൻ സ്വമേധയാ കേസെടുത്തു
അംഗീകാരമില്ലാത്ത കളരിപ്പയറ്റ് ചാമ്പ്യൻഷിപ്പ് കായികതാരങ്ങൾ ശ്രദ്ധിക്കണം 
