ജനദ്രോഹ നയങ്ങൾക്കെതിരെ പ്രക്ഷോഭം സി.പി.ഐ മൂവാറ്റുപുഴ ലോക്കൽ കമ്മിറ്റി കാൽനട ജാഥ ആഗസ്റ്റ് 16 ന്
കേന്ദ്രസർക്കാർ നയങ്ങൾക്കെതിരെ സെപ്റ്റംബർ 1 ന് നടക്കുന്ന സി.പി.ഐ ഡൽഹി മാർച്ചിന്റെ പ്രചരണാർത്ഥം മൂവാറ്റുപുഴ ലോക്കൽ കമ്മിറ്റി സംഘടിപ്പിക്കുന്ന കാൽനട ജാഥ ആഗസ്റ്റ് 16 ഞായറാഴ്ച പര്യടനം നടത്തും. സ. കെ.പി. അലി കുഞ്ഞ് ക്യാപ്റ്റനായ ജാഥ മുൻ എം.എൽ.എ എൽദോ എബ്രഹാം ഉദ്ഘാടനം ചെയ്യും.
Abu TA 
ജനദ്രോഹ നയങ്ങൾക്കെതിരെ പ്രക്ഷോഭം സി.പി.ഐ മൂവാറ്റുപുഴ ലോക്കൽ കമ്മിറ്റി കാൽനട ജാഥ ആഗസ്റ്റ് 16-ന്
മൂവാറ്റുപുഴ: കേന്ദ്രസർക്കാറിന്റെ ജനദ്രോഹ നയങ്ങൾക്കെതിരെ സി.പി.ഐ ദേശീയതലത്തിൽ സംഘടിപ്പിക്കുന്ന പ്രക്ഷോഭങ്ങളുടെ ഭാഗമായി 2026 സെപ്റ്റംബർ 1-ന് നടക്കുന്ന ‘ഡൽഹി മാർച്ചി’ന്റെ പ്രചരണാർത്ഥം മൂവാറ്റുപുഴ ലോക്കൽ കമ്മിറ്റിയുടെ ആഭിമുഖ്യത്തിൽ പ്രചരണ കാൽനട ജാഥ സംഘടിപ്പിക്കുന്നു. 2026 ആഗസ്റ്റ് 16 ഞായറാഴ്ചയാണ് ജാഥ പര്യടനം നടത്തുന്നത്.
വിലക്കയറ്റം തടയുക, യുവജനങ്ങൾക്കു തൊഴിലവസരം ഉറപ്പാക്കുക, തൊഴിലാളികളുടെ അവകാശങ്ങളും തൊഴിൽ സുരക്ഷയും ഉറപ്പുവരുത്തുക, വനിതാ സംവരണം നടപ്പിലാക്കുക, കാർഷിക ഉൽപ്പന്നങ്ങളുടെ താങ്ങുവിലയ്ക്ക് നിയമപരമായ ഗ്യാരണ്ടി നൽകുക, ജനാധിപത്യം സംരക്ഷിക്കാൻ ബാലറ്റ് പേപ്പർ പുനഃസ്ഥാപിക്കുക, ദളിത്-ഗോത്ര വിഭാഗങ്ങൾക്കെതിരെയുള്ള അതിക്രമങ്ങൾ അവസാനിപ്പിക്കുക തുടങ്ങിയ പ്രമേയങ്ങൾ ഉയർത്തിയാണ് പ്രക്ഷോഭം.
സി.പി.ഐ മൂവാറ്റുപുഴ ലോക്കൽ സെക്രട്ടറി സ. കെ.പി. അലി കുഞ്ഞ് ജാഥാ ക്യാപ്റ്റനായും, സ. സിന്ദു ജയൻ വൈസ് ക്യാപ്റ്റനായും, സ. ടി.എസ്. ബിബിൻ ജാഥാ ഡയറക്ടറായും ജാഥയെ നയിക്കും.
ആഗസ്റ്റ് 16-ന് നെഹ്റു പാർക്കിൽ നടക്കുന്ന ചടങ്ങിൽ സി.പി.ഐ മണ്ഡലം ആക്റ്റിംഗ് സെക്രട്ടറി സ. കെ.എ. നവാസ് ജാഥ ഉദ്ഘാടനം ചെയ്യും. തുടർന്ന് വിവിധ സ്വീകരണ കേന്ദ്രങ്ങളിലെ പര്യടനത്തിനു ശേഷം വൈകിട്ട് പുളിഞ്ചോട് കവലയിൽ നടക്കുന്ന സമാപന സമ്മേളനം മുൻ എം.എൽ.എ എൽദോ എബ്രഹാം ഉദ്ഘാടനം ചെയ്യും.
ഡൽഹി മാർച്ചും പ്രചരണ ജാഥയും വൻ വിജയമാക്കുന്നതിന് ആവശ്യമായ സഹായസഹകരണങ്ങൾ നൽകണമെന്നും ബഹുജനങ്ങളും പാർട്ടി പ്രവർത്തകരും പങ്കെടുക്കണമെന്നും ലോക്കൽ കമ്മിറ്റിക്കായി സ. കെ.പി. അലി കുഞ്ഞ് അഭ്യർത്ഥിച്ചു.
