കെ.സി വേണുഗോപാലിനെ അനുകൂലിച്ചുള്ള ഫ്ലെക്സ് വെട്ടിലായി സിപിഎം നേതാവ് സിസിടിവി ദൃശ്യങ്ങൾ പുറത്ത്

വാടാനപ്പള്ളിയിൽ സേവ് കോൺഗ്രസ് എന്ന പേരിൽ കെ.സി വേണുഗോപാലിന്റെ ഫ്ലെക്സ് ബോർഡ് സ്ഥാപിച്ച സിപിഎം നേതാവ് സിസിടിവി ക്യാമറയിൽ കുടുങ്ങി. യുഡിഎഫ് പോലീസിൽ പരാതി നൽകി.

Angel Varghese

May 11, 2026 - 05:58

കെ.സി വേണുഗോപാലിനെ അനുകൂലിച്ചുള്ള ഫ്ലെക്സ് വെട്ടിലായി സിപിഎം നേതാവ് സിസിടിവി ദൃശ്യങ്ങൾ പുറത്ത്

കെ.സി വേണുഗോപാലിന്റെ ഫ്ലെക്സ് ബോർഡ് സ്ഥാപിച്ച സിപിഎം നേതാവ് സിസിടിവിയിൽ കുടുങ്ങി

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

📸 *ഫോട്ടോസോ - നിങ്ങൾ ഒരു studio ഉടമസ്ഥനാണാ ?*

കെ.സി വേണുഗോപാലിനെ അനുകൂലിച്ചുള്ള ഫ്ലെക്സ്: വെട്ടിലായി സിപിഎം നേതാവ്; സിസിടിവി ദൃശ്യങ്ങൾ പുറത്ത്

വാടാനപ്പള്ളി: കോൺഗ്രസിനുള്ളിലെ ഗ്രൂപ്പ് പോര് എന്ന പ്രതീതി സൃഷ്ടിക്കാൻ 'സേവ് കോൺഗ്രസ്' എന്ന പേരിൽ കെ.സി വേണുഗോപാലിന്റെ ഫ്ലെക്സ് ബോർഡ് സ്ഥാപിച്ച സിപിഎം നേതാവ് സിസിടിവിയിൽ കുടുങ്ങി. സിപിഎം വാടാനപ്പള്ളി ലോക്കൽ കമ്മിറ്റി അംഗം അരവശേരി മുഹമ്മദാണ് ബോർഡ് സ്ഥാപിക്കുന്നതിനിടെ ക്യാമറയിൽ കുടുങ്ങിയത്.

കഴിഞ്ഞ ദിവസം രാത്രിയാണ് വാടാനപ്പള്ളി പഞ്ചായത്ത് ഓഫീസിന് മുന്നിൽ 'കെ.സി നയിക്കട്ടെ' എന്നെഴുതിയ ഫ്ലെക്സ് ബോർഡ് പ്രത്യക്ഷപ്പെട്ടത്. ബോർഡ് സ്ഥാപിച്ചതിന് പിന്നാലെ ഇതിന്റെ ചിത്രം സോഷ്യൽ മീഡിയയിൽ വ്യാപകമായി പ്രചരിപ്പിക്കുകയും ചെയ്തിരുന്നു. കോൺഗ്രസിനെ പരിഹസിക്കാനും ഉൾപ്പാർട്ടി തർക്കമാണെന്ന് വരുത്തിത്തീർക്കാനുമായിരുന്നു നീക്കമെങ്കിലും സിസിടിവി ദൃശ്യങ്ങൾ പുറത്തുവന്നതോടെ തന്ത്രം പാളി.

സംഭവത്തിൽ പ്രതിഷേധവുമായി യുഡിഎഫ് രംഗത്തെത്തി. സിപിഎമ്മിന്റെ കൃത്യമായ ഗൂഢാലോചനയാണ് ഇതിന് പിന്നിലെന്ന് യുഡിഎഫ് മണ്ഡലം കമ്മിറ്റി ആരോപിച്ചു. സംഭവത്തിൽ പോലീസിൽ പരാതി നൽകിയ യുഡിഎഫ് പ്രവർത്തകർ പ്രദേശത്ത് പ്രതിഷേധ പ്രകടനവും നടത്തി.