ആലുവയിൽ വിവിധ മോഷണ കേസുകൾ 7 പേർ അറസ്റ്റിൽ 
ദസറ കണ്ണൂരിന്റെ യശസ്സുയർത്തുന്ന ആഘോഷമായി മാറി മന്ത്രി സണ്ണി ജോസഫ് 
ദിലീപ് ,ഉല്ലാസ് കൃഷ്ണ കൂട്ടുകെട്ട് വമ്പൻ താരനിരയുമായി ഹെനോക് , വിതരണം വേഫെറർ ഫിലിംസ് 
തൂവ്വൂർ മാമ്പ്രകുന്ന് എസ്.സി. നഗർ റോഡ് മന്ത്രി എ.പി. അനിൽകുമാർ നാടിന് സമർപ്പിച്ചു 
സംസ്ഥാന സ്കൂൾ കായികമേള ഒക്ടോബർ 25 മുതൽ കോഴിക്കോട്ട് മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും 
വടവുകോട് ക്ഷീര കർഷക സംഗമം 2026 സംഘടിപ്പിച്ചു വി. പി. സജീന്ദ്രൻ എം.എൽ.എ ഉദ്ഘാടനം ചെയ്തു വധശ്രമക്കേസ് പ്രതി ലിയോയെ കാപ്പ ചുമത്തി നാടുകടത്തി
പെരുമ്പാവൂർ, കുറുപ്പംപടി സ്റ്റേഷൻ പരിധികളിലെ നിരവധി ക്രിമിനൽ കേസുകളിൽ പ്രതിയായ ലിയോയെയാണ് എറണാകുളം റേഞ്ച് ഡി.ഐ.ജി കാപ്പ ചുമത്തി ആറ് മാസത്തേക്ക് നാടുകടത്തിയത്.
അനില എം കൃഷ്ണൻ 
വധശ്രമക്കേസ് പ്രതി കാപ്പ ചുമത്തി നാടുകടത്തി
എറണാകുളം: കുപ്രസിദ്ധമായ വധശ്രമക്കേസിലെ പ്രതിയെ കാപ്പ (KAPA) ചുമത്തി ആറുമാസത്തേക്ക് നാടുകടത്തി. അശമന്നൂർ പുന്നയം മറ്റപ്പാടൻ വീട്ടിൽ ലിയോയെയാണ് (30) ജില്ലാ ഭരണകൂടം നാടുകടത്തിയത്. എറണാകുളം റൂറൽ ജില്ലാ പോലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡി.ഐ.ജി ജി. എച്ച് യതീഷ് ചന്ദ്രയാണ് ഇതുസംബന്ധിച്ച ഉത്തരവിറക്കിയത്.
കുറുപ്പംപടി, പെരുമ്പാവൂർ പോലീസ് സ്റ്റേഷൻ പരിധികളിൽ വധശ്രമം, കഠിന ദേഹോപദ്രവം, ആയുധ നിയമം, സ്ഫോടക വസ്തു നിയമം തുടങ്ങിയ നിരവധി ക്രിമിനൽ കേസുകളിൽ പ്രതിയാണ് ലിയോ. 2020-ൽ പെരുമ്പാവൂർ കണ്ടന്തറയിൽ വച്ച് യുവാവിനെ കൈത്തോക്ക് ഉപയോഗിച്ച് വെടിവെച്ചും, വാളും കത്തിയും ഉപയോഗിച്ച് വെട്ടിപ്പരിക്കേൽപ്പിച്ചും കൊലപ്പെടുത്താൻ ശ്രമിച്ച കേസിലെ ആറാം പ്രതിയാണ് ഇയാൾ.
കഴിഞ്ഞ മെയ് മാസത്തിൽ സംഘം ചേർന്ന് ഭീഷണിപ്പെടുത്തി പണം തട്ടാൻ ശ്രമിച്ചതിന് കുറുപ്പംപടി പോലീസ് രജിസ്റ്റർ ചെയ്ത കേസാണ് നടപടിക്ക് വഴിയൊരുക്കിയത്. തുടർച്ചയായി ക്രിമിനൽ പ്രവർത്തനങ്ങളിൽ ഏർപ്പെടുന്നതിനാലാണ് ഇയാൾക്കെതിരെ കാപ്പ ചുമത്തി നാടുകടത്താൻ തീരുമാനിച്ചതെന്ന് പോലീസ് അറിയിച്ചു.
