സൈബർഡോം ശക്തിപ്പെടുത്തും ട്രാഫിക്കും ദുരന്തനിവാരണവും ഇനി റോബോട്ടുകൾ നോക്കും 
മാധ്യമ ലോകത്തിന്റെ കഥയുമായി ഉടുമ്പൻചോല വിഷൻ ശ്രദ്ധേയമായി ട്രെയ്ലർ 
മാതൃഭാഷയും വായനയും നെഞ്ചിലേറ്റാൻ പുതുതലമുറ എബനേസർ സ്കൂളിൽ ‘മധുരമലയാളം’ സംഘടിപ്പിച്ചു 
മൂവാറ്റുപുഴ വാളകം ഗ്രാമപഞ്ചായത്തിൽ 55.5 ലക്ഷം രൂപ ചെലവിൽ പുതിയ ജനകീയ ആരോഗ്യകേന്ദ്രം 
കെ.എസ്.ആർ.ടി.സി ബസ് സ്റ്റാൻഡുകളിൽ സാനിറ്ററി നാപ്കിൻ വെൻഡിംഗ് മെഷീനുകൾ 
സർക്കാർ ആശുപത്രികളിൽ ഇ ഹെൽത്ത് ട്രെയിനി നിയമനം മാതൃഭാഷയും വായനയും നെഞ്ചിലേറ്റാൻ പുതുതലമുറ എബനേസർ സ്കൂളിൽ ‘മധുരമലയാളം’ സംഘടിപ്പിച്ചു
മൂവാറ്റുപുഴ എബനേസർ സ്കൂളിൽ മാതൃഭൂമി സംഘടിപ്പിച്ച ‘മധുരമലയാളം’ പരിപാടി കമാൻഡർ സി. കെ. ഷാജി ഉദ്ഘാടനം ചെയ്തു. കഥാകൃത്ത് പോയാലി സക്കീർ ഹുസൈൻ മുഖ്യാതിഥിയായി.
Abu TA 
മാതൃഭാഷയുടെ മാധുര്യം പകർന്ന് മൂവാറ്റുപുഴ എബനേസർ സ്കൂളിൽ ‘മധുരമലയാളം’ പരിപാടി സംഘടിപ്പിച്ചു
മൂവാറ്റുപുഴ: മലയാളത്തിന്റെ മാധുര്യവും വായനയുടെ വെളിച്ചവും പുതുതലമുറയിലേക്ക് പകരുക എന്ന ലക്ഷ്യത്തോടെ മാതൃഭൂമിയുടെ നേതൃത്വത്തിൽ മൂവാറ്റുപുഴ എബനേസർ സ്കൂളിൽ ‘മധുരമലയാളം’ പരിപാടി സംഘടിപ്പിച്ചു. പ്രശസ്ത കഥാകൃത്ത് പോയാലി സക്കീർ ഹുസൈൻ മുഖ്യാതിഥിയായി പങ്കെടുത്ത ചടങ്ങ് കമാൻഡർ സി. കെ. ഷാജി ഉദ്ഘാടനം ചെയ്തു.
മാതൃഭാഷയുടെ പ്രാധാന്യത്തെക്കുറിച്ചും വായനയുടെ മഹത്വത്തെക്കുറിച്ചും പോയാലി സക്കീർ ഹുസൈൻ വിദ്യാർഥികളോട് സംസാരിച്ചു. പുസ്തകങ്ങൾ മനുഷ്യന്റെ ചിന്താലോകത്തെ വിശാലമാക്കുന്ന വെളിച്ചമാണെന്ന് അദ്ദേഹം ഓർമിപ്പിച്ചു. ഭാഷയിലൂടെ സംസ്കാരവും വായനയിലൂടെ അറിവും ഹൃദയങ്ങളിൽ വളരേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി.
പി.ടി.എ. പ്രസിഡന്റ് എൻ. എം. നാസർ അധ്യക്ഷത വഹിച്ച ചടങ്ങിൽ പ്രധാന അധ്യാപിക ജീമോൾ കെ. ജോർജ് സ്വാഗതം ആശംസിച്ചു. മഞ്ജു വിജേഷ് ആശംസകൾ നേർന്നു സംസാരിച്ചു. സ്കൂൾ പ്രിൻസിപ്പൽ ബിജു കുമാർ നന്ദി രേഖപ്പെടുത്തി. പി.ടി.എ. അംഗങ്ങളും അധ്യാപകരും വിദ്യാർഥികളും ചടങ്ങിൽ പങ്കെടുത്തു. അക്ഷരങ്ങളിലൂടെ അറിവിലേക്കും വായനയിലൂടെ വിശാലമായ ലോകത്തിലേക്കും കുട്ടികളെ നയിക്കുന്ന പരിപാടി മാതൃഭാഷാസ്നേഹത്തിന്റെ മധുരസന്ദേശമായി മാറി.
