കർശന വാഹന പരിശോധന 11 ദിവസത്തിനിടെ 17,181 വാഹനങ്ങൾക്കെതിരെ നടപടി

റൂറൽ ജില്ലയിൽ നവംബർ ഒന്നു മുതൽ 11 വരെയുള്ള ദിവസങ്ങളിൽ ഗതാഗത നിയമലംഘനങ്ങൾക്ക് 17,181 വാഹന ഉടമകൾക്കെതിരെ പോലീസ് നടപടിയെടുത്തു. മദ്യപിച്ച് വാഹനമോടിച്ച 1,017 പേർക്കെതിരെ കേസെടുക്കുകയും 66 പേരുടെ ലൈസൻസ് റദ്ദാക്കാൻ ശുപാർശ ചെയ്യുകയും ചെയ്തു.

കർശന വാഹന പരിശോധന 11 ദിവസത്തിനിടെ 17,181 വാഹനങ്ങൾക്കെതിരെ നടപടി
നവംബർ ഒന്ന് മുതൽ 11 വരെയുള്ള ദിവസങ്ങളിൽ നടത്തിയ പ്രത്യേക പരിശോധനയിൽ 17,181 വാഹന ഉടമകൾക്കെതിരെയാണ് പോലീസ് നടപടി സ്വീകരിച്ചത്.
കർശന വാഹന പരിശോധന 11 ദിവസത്തിനിടെ 17,181 വാഹനങ്ങൾക്കെതിരെ നടപടി

റൂറൽ ജില്ലയിൽ കർശന വാഹന പരിശോധന; 11 ദിവസത്തിനിടെ 17,181 വാഹനങ്ങൾക്കെതിരെ നടപടി

​കൊച്ചി: റൂറൽ ജില്ലയിൽ ഗതാഗത നിയമലംഘനങ്ങൾക്കെതിരെ പോലീസ് നടപടി കർശനമാക്കി. നവംബർ ഒന്ന് മുതൽ 11 വരെയുള്ള ദിവസങ്ങളിൽ നടത്തിയ പ്രത്യേക പരിശോധനയിൽ 17,181 വാഹന ഉടമകൾക്കെതിരെയാണ് പോലീസ് നടപടി സ്വീകരിച്ചത്.

​മദ്യപിച്ച് വാഹനമോടിച്ച 1,017 പേർക്കെതിരെ കേസുകൾ രജിസ്റ്റർ ചെയ്തു. യാത്രക്കാരുടെയും പൊതുജനങ്ങളുടെയും സുരക്ഷയ്ക്ക് ഭീഷണിയാകുന്ന വിധത്തിൽ അമിതവേഗതയിലും അശ്രദ്ധമായും വാഹനമോടിച്ച 1,038 വാഹനങ്ങൾക്കെതിരെയും (ബസ്സുകൾ ഒഴികെ) സമാനമായ നിയമലംഘനം നടത്തിയ 278 ബസ്സുകൾക്കെതിരെയും നടപടിയെടുത്തു. ഗുരുതരമായ നിയമലംഘനം നടത്തിയ 25 ബസ്സുകൾക്കെതിരെ എഫ്.ഐ.ആർ രജിസ്റ്റർ ചെയ്തിട്ടുണ്ട്.

​നിയമലംഘനം നടത്തിയ 66 പേരുടെ ഡ്രൈവിംഗ് ലൈസൻസ് റദ്ദാക്കാൻ മോട്ടോർ വാഹന വകുപ്പിന് ശുപാർശ നൽകി. പ്രായപൂർത്തിയാകാത്ത കുട്ടികൾ വാഹനമോടിച്ച സംഭവങ്ങളിൽ അവരുടെ രക്ഷിതാക്കൾക്കെതിരെയും നടപടി സ്വീകരിച്ചിട്ടുണ്ട്.

​റൂറൽ ജില്ലാ പോലീസ് മേധാവി കെ.എസ്. സുദർശന്റെ നേതൃത്വത്തിൽ ജില്ലയിലെ അഞ്ച് സബ് ഡിവിഷനുകളിലും പരിശോധന തുടരുകയാണ്. 24 മണിക്കൂറും പ്രത്യേക സംഘങ്ങളായി തിരിഞ്ഞാണ് പരിശോധന നടത്തുന്നത്. നിയമലംഘനങ്ങൾ പിടികൂടുന്നതിനായി പ്രത്യേക പോലീസ് പട്രോൾ സംഘങ്ങളും നിരത്തിലുണ്ട്. ജില്ലാ അതിർത്തികളിൽ പോലീസ് നായയുടെ സഹായത്തോടെയും പരിശോധന ശക്തമാക്കിയിട്ടുണ്ട്. വരും ദിവസങ്ങളിലും പരിശോധന തുടരുമെന്നും നിയമലംഘകർക്കെതിരെ വിട്ടുവീഴ്ചയില്ലാത്ത നടപടി സ്വീകരിക്കുമെന്നും പോലീസ് അറിയിച്ചു.