വാഴക്കുളത്ത് കാറും ഓട്ടോറിക്ഷയും കൂട്ടിയിടിച്ച് അപകടം ഡ്രൈവർക്ക് ഗുരുതര പരിക്ക്

വാഴക്കുളം കാർമ്മൽ ജംഗ്ഷന് സമീപം അമിതവേഗതയിലെത്തിയ കാർ ഓട്ടോറിക്ഷയിലിടിച്ചു. ഓട്ടോ ഡ്രൈവർക്ക് ഗുരുതര പരിക്ക്. ഫയർഫോഴ്സ് എത്തിയാണ് ഡ്രൈവറെ പുറത്തെടുത്തത്.

Abu TA

Jul 17, 2026 - 10:22

വാഴക്കുളത്ത് കാറും ഓട്ടോറിക്ഷയും കൂട്ടിയിടിച്ച് അപകടം; ഡ്രൈവർക്ക് ഗുരുതര പരിക്ക്

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

🥳 *KSFE - ഉടൻ ആരംഭിക്കുന്ന മെഗാ ബിനിനസ് ക്ലാസ് ചിട്ടി*

വാഴക്കുളത്ത് കാറും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവർക്ക് ഗുരുതര പരിക്ക്

വാഴക്കുളം: വാഴക്കുളത്ത് കാറും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവർക്ക് ഗുരുതര പരിക്ക്. വെള്ളിയാഴ്ച രാവിലെ 9.15-ഓടെ വാഴക്കുളം കാർമ്മൽ ജംഗ്ഷന് സമീപമായിരുന്നു അപകടം. മഞ്ഞള്ളൂർ നടുവിലേടത്ത് സന്തോഷ് (52) ആണ് അപകടത്തിൽപ്പെട്ടത്.

മൂവാറ്റുപുഴയിൽ നിന്നും തൊടുപുഴ ഭാഗത്തേക്ക് പോവുകയായിരുന്ന ഓട്ടോറിക്ഷയിൽ, എതിർദിശയിൽ നിന്ന് അമിതവേഗതയിലെത്തിയ കാർ നിയന്ത്രണം വിട്ട് ഇടിക്കുകയായിരുന്നുവെന്ന് ദൃക്‌സാക്ഷികൾ പറയുന്നു. കാർ ഓടിച്ചിരുന്നത് പെരുമ്പാവൂരിലെ സ്വകാര്യ കോളേജിലെ വിദ്യാർത്ഥികളാണ്.

ഇടിയുടെ ആഘാതത്തിൽ തകർന്ന ഓട്ടോറിക്ഷയ്ക്കുള്ളിൽ സന്തോഷ് കുടുങ്ങിപ്പോയി. വിവരം അറിഞ്ഞ് സ്ഥലത്തെത്തിയ കല്ലൂർക്കാട് ഫയർഫോഴ്സ് സംഘം ഓട്ടോറിക്ഷ വെട്ടിപ്പൊളിച്ചാണ് ഇദ്ദേഹത്തെ പുറത്തെടുത്തത്. തുടർന്ന് ഉടൻ തന്നെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു. കാറിലുണ്ടായിരുന്ന വിദ്യാർത്ഥികൾക്ക് പരിക്കില്ല. വാഴക്കുളം പോലീസ് സ്ഥലത്തെത്തി മേൽനടപടികൾ സ്വീകരിച്ചു.