തിരഞ്ഞെടുപ്പ് വോട്ടെണ്ണൽ കോഴിക്കോട് ജില്ലയിൽ ഇന്ന് മുതൽ മദ്യനിരോധനം

വോട്ടെണ്ണൽ പ്രമാണിച്ച് കോഴിക്കോട് ജില്ലയിൽ മെയ് 3 മുതൽ 5 വരെ മദ്യനിരോധനം ഏർപ്പെടുത്തി ജില്ലാ കളക്ടർ ഉത്തരവിട്ടു.

Angel Varghese

May 3, 2026 - 06:57

തിരഞ്ഞെടുപ്പ് വോട്ടെണ്ണൽ കോഴിക്കോട് ജില്ലയിൽ ഇന്ന് മുതൽ മദ്യനിരോധനം

കോഴിക്കോട്ജില്ലാ കളക്ടർ സ്നേഹിൽ കുമാർ സിങ്

♥️ *നിങ്ങൾക്ക് ഞങ്ങളുടെ വാർത്തകൾ ഇഷ്ടപ്പെടുന്നുണ്ടോ*?

വോട്ടെണ്ണൽ: കോഴിക്കോട് ജില്ലയിൽ ഇന്ന് മുതൽ മദ്യനിരോധനം; ഉത്തരവ് പുറപ്പെടുവിച്ചു

കോഴിക്കോട്: നിയമസഭാ തിരഞ്ഞെടുപ്പ് വോട്ടെണ്ണൽ നടക്കുന്നതിന്റെ ഭാഗമായി കോഴിക്കോട് ജില്ലയിൽ മദ്യനിരോധനം (ഡ്രൈ ഡേ) ഏർപ്പെടുത്തി ജില്ലാ കളക്ടർ സ്നേഹിൽ കുമാർ സിങ് ഉത്തരവിട്ടു. മെയ് 3-ന് വൈകീട്ട് 6 മണി മുതൽ മെയ് 5-ന് രാവിലെ 9 മണി വരെയാണ് നിരോധനം പ്രാബല്യത്തിലുണ്ടാവുക.

വോട്ടെണ്ണൽ ദിവസത്തെ ക്രമസമാധാന പാലനം ഉറപ്പുവരുത്തുന്നതിനാണ് നടപടി. ഇതുപ്രകാരം ജില്ലയിലെ കള്ളുഷാപ്പുകൾ, ബിവറേജസ് ഔട്ട്‌ലറ്റുകൾ, ബാറുകൾ, ബിയർ-വൈൻ പാർലറുകൾ എന്നിവ പൂർണ്ണമായും അടച്ചിടണം. ഹോട്ടലുകൾ, ക്ലബുകൾ തുടങ്ങി മദ്യം വിളമ്പുന്ന എല്ലാ പൊതു-സ്വകാര്യ സ്ഥാപനങ്ങൾക്കും ഈ നിയന്ത്രണം ബാധകമാണ്.

1951-ലെ ജനപ്രാതിനിധ്യ നിയമം, കേരള അബ്കാരി ആക്ട് എന്നിവ പ്രകാരം തിരഞ്ഞെടുപ്പ് കമ്മീഷന്റെ നിർദ്ദേശാനുസരണമാണ് നടപടി സ്വീകരിച്ചിരിക്കുന്നത്. ഉത്തരവ് ലംഘിക്കുന്നവർക്കെതിരെ കർശന നടപടിയെടുക്കാൻ എക്സൈസ്, പോലീസ് വിഭാഗങ്ങൾക്ക് കളക്ടർ നിർദ്ദേശം നൽകി.