മുൻ മന്ത്രി ടി.യു. കുരുവിളയ്ക്ക് അന്ത്യാഞ്ജലി അർപ്പിച്ച് മുഖ്യമന്ത്രി വി.ഡി. സതീശനും രാഷ്ട്രീയ കേരളവും
അന്തരിച്ച മുൻ മന്ത്രി ടി.യു. കുരുവിളയ്ക്ക് മുഖ്യമന്ത്രി വി.ഡി. സതീശൻ, ആഭ്യന്തര മന്ത്രി രമേശ് ചെന്നിത്തല എന്നിവരടക്കമുള്ള പ്രമുഖ നേതാക്കൾ കോതമംഗലത്തെ വസതിയിലെത്തി അന്തിമോപചാരം അർപ്പിച്ചു.
Angel Varghese 
മുൻ മന്ത്രി ടി.യു. കുരുവിളയ്ക്ക് അന്തിമോപചാരം അർപ്പിച്ച് മുഖ്യമന്ത്രി വി.ഡി. സതീശനും രാഷ്ട്രീയ കേരളവും
കോതമംഗലം: അന്തരിച്ച മുൻ മന്ത്രി ടി.യു. കുരുവിളയ്ക്ക് മുഖ്യമന്ത്രി വി.ഡി. സതീശൻ അന്തിമോപചാരം അർപ്പിച്ചു. ശനിയാഴ്ച വൈകിട്ട് എട്ടുമണിയോടെ കോതമംഗലം ചേലാട്ടിലെ വസതിയിലെത്തിയ മുഖ്യമന്ത്രി ഭൗതികദേഹത്തിൽ പുഷ്പചക്രം അർപ്പിച്ചു. തുടർന്ന് അദ്ദേഹം പരേതന്റെ കുടുംബാംഗങ്ങളെ കണ്ട് ആശ്വാസിപ്പിക്കുകയും അവരുടെ ദുഃഖത്തിൽ പങ്കുചേരുകയും ചെയ്തു.
രാഷ്ട്രീയ-സാമൂഹിക രംഗത്തെ പ്രമുഖരടക്കം വൻ ജനവലിയാണ് മുൻ മന്ത്രിക്ക് അന്ത്യാഞ്ജലി അർപ്പിക്കാൻ ചേലാട്ടിലെ വീട്ടിലേക്ക് എത്തിക്കൊണ്ടിരിക്കുന്നത്. മുഖ്യമന്ത്രിയോടൊപ്പം മന്ത്രിമാരായ സണ്ണി ജോസഫ്, പി.സി. വിഷ്ണുനാഥ്, ഷിബു തെക്കുംപുറം എം.എൽ.എ എന്നിവരും വസതി സന്ദർശിച്ച് അന്തിമോപചാരം അർപ്പിച്ചു.
ആഭ്യന്തരവകുപ്പ് മന്ത്രി രമേശ് ചെന്നിത്തലയും കുരുവിളയുടെ വസതിയിലെത്തി അന്ത്യാഞ്ജലി രേഖപ്പെടുത്തി. എം.എൽ.എമാരായ അൻവർ സാദത്ത്, മുഹമ്മദ് ഷിയാസ് എന്നിവരുൾപ്പെടെയുള്ള പ്രമുഖ നേതാക്കളും ജനപ്രതിനിധികളും വിയോഗവാർത്തയറിഞ്ഞ് അന്തിമോപചാരം അർപ്പിക്കാൻ എത്തിയിരുന്നു. സാമുദായിക-സാംസ്കാരിക രംഗത്തെ പ്രമുഖരും അദ്ദേഹത്തിന് വിടചൊല്ലാൻ വസതിയിലേക്ക് എത്തിച്ചേരുന്നുണ്ട്.
