മുഖ്യമന്ത്രി വി.ഡി. സതീശൻ ഡൽഹി ട്രാവൻകൂർ പാലസ് സന്ദർശിച്ചു
കേരള മുഖ്യമന്ത്രി വി.ഡി. സതീശൻ ന്യൂഡൽഹിയിലെ ട്രാവൻകൂർ പാലസിൽ സന്ദർശനം നടത്തി. ചീഫ് സെക്രട്ടറി എ. ജയതിലക്, മുഖ്യമന്ത്രിയുടെ സെക്രട്ടറി രത്തൻ ഖേൽക്കർ ഉൾപ്പെടെയുള്ള പ്രമുഖ ഉദ്യോഗസ്ഥർ അദ്ദേഹത്തെ അനുഗമിച്ചു
Angel Varghese 
ന്യൂഡൽഹി: സംസ്ഥാന മുഖ്യമന്ത്രി വി.ഡി. സതീശൻ ഡൽഹിയിലെ ചരിത്രപ്രസിദ്ധമായ ട്രാവൻകൂർ പാലസ് സന്ദർശിച്ചു. തലസ്ഥാന നഗരിയിലെ ഔദ്യോഗിക പരിപാടികളുടെ ഭാഗമായായിരുന്നു അദ്ദേഹത്തിന്റെ സന്ദർശനം. പാലസിലെ വിവിധ സൗകര്യങ്ങളും പ്രവർത്തനങ്ങളും മുഖ്യമന്ത്രി വിലയിരുത്തി.
മുഖ്യമന്ത്രിയുടെ സെക്രട്ടറിയായ രത്തൻ ഖേൽക്കർ IAS, ചീഫ് സെക്രട്ടറി എ. ജയതിലക് IAS എന്നിവർ അദ്ദേഹത്തിനൊപ്പമുണ്ടായിരുന്നു. കൂടാതെ, കേരള ഹൗസ് അഡീഷണൽ റസിഡൻ്റ് കമ്മീഷണർ ഡോ. അശ്വതി ശ്രീനിവാസ് IAS, ഓഫീസർ ഓൺ സ്പെഷൽ ഡ്യൂട്ടി (OSD) എൻ. എസ്.കെ ഉമേഷ് IAS എന്നിവരും മുഖ്യമന്ത്രിയെ സ്വീകരിക്കാനും പാലസ് സന്ദർശന വേളയിൽ വിവരങ്ങൾ വിശദീകരിക്കാനുമായി ഒപ്പം പങ്കെടുത്തു.
കേരളത്തിൻ്റെ ഡൽഹിയിലെ പ്രധാന കേന്ദ്രങ്ങളിലൊന്നായ ട്രാവൻകൂർ പാലസിൻ്റെ നവീകരണ പ്രവർത്തനങ്ങളും ഭാവി പദ്ധതികളും സംബന്ധിച്ച കാര്യങ്ങളും സന്ദർശന വേളയിൽ ചർച്ചയായതായാണ് വിവരം.
